آلا وا صدري اللي فيه من جور الزمن وقاد=زمن من قسوته ما يعرف الرحمه وماويه
ليا قفت هموم يدف فوقي من عناه جداد=تحطم لي حلومٍ(ن)قبلها مزروعةٍ(ن)فيه
آلا ياشين حظٍ(ن)كل ما قلنا عسى ينقاد=تنكس من جديد وروحته مليون بالميه
تذكرت الزمان اللي مضى وأفراح ما تنعاد=ولجت بالصدر ونة تهد قصور مزويه
سرى بي هاجسي عبر الزمن رحلة بلا ميعاد=تصفحت لصحائف عمر بالروحة وبالجيه
حصان الفكر يجمح بي يمر بلاد عقب بلاد=تجول بي حصان الفكر بربوع السعوديه
وصل بي للربوع اللي بها مشهى لنبض فؤاد=شهقت من الفرح ظنيتها وقفة حقيقيه
بدون شعور ناديته هلا يا سيد الأسياد=أشوفه مقبلٍ(ن)ومن الوله مديت ليديه
ذكرت أيام أنا وإياه نسمر ما نحب رقاد=نسامر للقصائد والمشاعر نارها حيه
متى مدري متى ترجع ليالي بعد طال بعاد=اهلي به ليا شفته هلا ياربنا حيه
سنين طوال مرت كل يوم ولهفتي تزداد=ينوح الشوق في صدري وناره واقده بيه
آلا وا صدري اللي فيه من جور الزمن وقاد=زمن من قسوته ما يعرف الرحمه وماويه
التميز
الإهداءات
حصان الفكـــر !!
رد: حصان الفكـــر !!
