أسعدكم الله دنيا وأخرة
اليكم الأبيات بدون مقدمات
تسأل تقول تغار فوقي من الناس؟=في ذمتك هذا سؤالٍ(ن)تساليه
أي بالله أنا أغار حتى من الماس=اللي على جيدك بكيفي لبستيه
وأغار فوقك من عطورك ونسناس=ليا لامست جسمك من أجلي شريتيه
وأغار حتى من مشاريب والكأس=ليا لامست شفتك وأنتي شربتيه
وأغار من لبسك وحلمك والإحساس=وأغار من أهلك وكل من قربتيه
أغار من عمك وخالك ولا بأس=لو قلت لك أغار من والدك إيه
وشلون ما بغار ياعذب الأنفاس=إن كان ما بغار ماني بمن عرفتيه
مايضيع الغيرة سوى ناسٍ(ن)أدناس=اللي تشابه للخنازير بالتيه
ياحرتي أنا مثل طير قرناس=اللي يقرب وكر عشه بينهيه
أحيا وأموت وغيرتي درع ولباس=للي هواها جمر قلبي يصاليه
من شأنها أغدي مثل بن محماس=كيف النشاما لذته بعد نقليه
من غيرتي أشعل كما ضوء قباس=في ليل مظلم وأعتقد قد رأيتيه
ماهمني لو قالوا خبول محتاس=يا زينها حوسة بخلٍ(ن)مهاويه
أعيش دايم رافع الخشم والرأس=ولاني معاين خبل رأسه موطيه
الحر ما ينداس والخبل ينداس=ليا ضيع الغيرة وش اللي بقا فيه
بالمختصر طبيعةٍ(ن)كل الأجناس=تغار غير اللي عمى العقل معميه
لا تسأليني تغار فوقي من الناس=هذا جوابي عن سؤالٍ(ن)سألتيه
التميز
الإهداءات
تسأل تقول تغار فوقي من الناس؟ !!!
رد: تسأل تقول تغار فوقي من الناس؟ !!!
