الطير(حطــــاب)

قصيدة الشيخ ساجر الرفدي من عنزه
كان الفارس ساجر الرفدي عنده طير اسمه حطاب وسلوقي اسمه خطاب ويوم من الأيام جاء (خليف) وطلب من ساجر الطير والسلوقي يبي يقنص بهن وعطاه إياهن وراح يقنص بهن أثريه ضيّع الطير والسلوقي هدّهن ولا رجعن0000 .دوّر ما لقى ورجع لساجر يبي يعلمُه ويعتذر منهُ وجاه قبل غياب الشمس بشوي000 ومن الخوف والربشه نثر القهوة اللي كان ساجر مولمها ومبهرهَا وحاطها على جال النار مجهزها للفطور لانهم في رمضان
وصارت اربع مصايب على ساجر من( خليف) الراعي فقال القصيده

البارحه يا خليـف عـزّي لحالـي=مضّيت ليلي بين سهري والافكـار
قالوا علامك قلـت مماجـرا لـي=لكن يوقـد بالضمايـر سنَـا نـار
مصايـبٍ مـا شفتهـا باليـالـي=أربع مصايب صادفتني من الجـار
الأولـه حطـاب يسـوى عيالـي=أشقر عديمٍ لإبرق الريـش iنثـاّر
والثانيـه خطـاب مالـه مثـالـي=شره على تيس الجميله إلى غـار
والثالثه سويـت بصفـر الدلالـي=وفاحت بهارتها بهيـلٍ iومسمـار
والرابعـه عظـم بتتـن الشمالـي=وأفلست منهن عند حزّات لأفطـار
تعوكست يا خليـف بـاول وتالـي=من خلقت الدنيا فلا مثلهـا صـار
يا ليت جتني قومٍ وخـذت عيالـي=اصبر على عسر الليالي والامرّار
العمـر يفنـى وآخـره للزوالـي=ولو طالت أيامك ترى الوقت غدار
ليا صـرت أنـا مهـذا الرجالـي=ومضّيت عمري مع طويلين الاشبّار
قدت السبايا مـع فجـوجٍ خوالـي=وكم خيّرٍ هدمـت بيتـه علىلـدّار
جيتـه بقـومٍ يبعـدون المـدالـي=سباع بـرٍّ فـوق نـزاع الازوار
إلى توجهنا رخـص كـل غالـي=والفعل يظهر عند حتات iالأوبـار
واليوم يا رجال الشرف والمعالـي=مضّيت وقتي بين وردٍ iومصـدار
ما شفت مثل خليف شين لخيالـي=من نشوة البدوان ما مثلهـا صـار
مقرود ماله يا فتى الجـود والـي=وزود على قرده كـذوبٍ اومكـار

الف شكر لك

قصيده رائعه


ويعطيك الف عافيه


تحياتي لك

اخي القناص يعطيك الف عافيه على
هذه القصه والقصيده الرائعه
لك الشكر والتقدير

مشكوووور على القصة والقصيده الرائعتين

الله يعطيك العافية

تقبل أرق التحايا و أعذبها

يعجز الاسان على شكر وتقديرك

ولكن ما نقوله لك هو الله يعطيك العافيه

وجزاك الله خير

ولك كل التقدير والاحترام

اخوك :! الموهوب !