جنون المشاعر !!!

الأبيات بدون مقدمات


النص المكتوب

سلام يا محرك جنون المشاعر=كل نبضةٍ(ن)بالقلب مني تحييك
سلام فيه أشواق من فيض شاعر=حلو القصائد قلتها يالغلا فيك
اقضي لليلي لأجل خاطرك ساهر=أنظم قصيدي فيك واسهى واناديك
رسمت لك عشقي بوجه الدفاتر=يكبر غلاك وكل ما زاد بغليك
أعلنت لك حبي بليا محاذر=في كل حال وحين هاويك هاويك
أصحى على ذكراك بالصبح باكر=والليل روحي في مساها تناجيك
تجري بدمي والفكر دوم فاكر=كلك من الهامة وحتى مواطيك
صورتك شاشة ماثلة للنواظر=ما تختفي لو المسافات تخفيك
صحيح دونك كايد البعد قاهر=لولاه قمت الأن بالتو وأجيك
غير الظروف الثانية والمخاطر=تدري بها قدام هذي ولا ذيك
هذا كلامٍ(ن)سطره فكر جابر=حلو القوافي من قصائده يهديك
سلام يا محرك جنون المشاعر=كل نبضةٍ(ن)بالقلب مني تحييك

صح لسانك واحساسك شاعرنا ربي يوفقك

الله الله

صح لساااانك يابن هليل وربي يعطيك العااااافيه

تقديري

صح لسانك واعتلا شانك ابدعت لا هنت


تقبل التحية

صح لسانك واحساس روعة ربي ما يحرمنا منك

صح لسانك دائما مميز


تقبل التحية

رائعة من روائعك


صح لسااااااااااااانك

صح لسانك مدد ماهو عدد

ابداع لا يستغرب

تقبل التحية

صح لسانك ابدعت لا هنت


قصيدة وافية

صح لسانك




تقبل اعجابي