هذي قصيده قريته حديثا واظن انها اصعب قصيده شفتها
وهي للشاعر فهد ابن أحمد من أهالي إقليم سدير في السعودية توفي قبل ثلاثين سنة تقريبا
والقصيده تحمل معاني جزله مع صعوبتها
وإليكم القصيدة ( منقوله)
يقول ابن أحمد الحيدان،حالي حالـة المجـروح=وألا ياأحوالهم ناحوا وناح الوقت ونحـت ونـاح
ألا يالوح قلبـي لـوح ليـحٍ صابـه اللاحـوح=لحاه الليح مع طول اللحـاح والهـوى بـه لاح
أنا من حين هاك الحين حوليـنٍ وأنـا مطـروح=طريح الحب حالي ناحلة من راحـل المـرواح
وياحاصولهم لا حوّلـوا بالصـوح ولابالصـوح=يحول بالحبل والحبل حل مـن الحبيـب وطـاح
ذبحني حب حـال الحاليـة بالحاجـر المملـوح=حناني حنيها بين المحاجـر مثـل حنـي رمـاح
حلوٍ شفاه حلا لينـة حـلا لينـة بحـل نجـوح=إلى وضِّـاح مثـل وضـاح لاحـم ولا طفـاح
أنا إن حنيت ماحنيت وإن حنيـت شلـت النـوح=كما حنـة حيـام فـي حمـاد ناحريـن رمـاح
وألا ياروح روحي يابعد روحي وريـح الـروح=تروح الروحة اللي راحت بروحي مـع الأرواح
تحمّـل لـه وحمّـل حرامـيٍّ بـلا مصـلـوح=عسى جحيم الحامية إلـى حمـت فيهـا يـلاح
عسى من حال واحتال وتحيّل بالمهـا المكلـوح=يحرول ويتحرول حيل حيثه ماسعـى بإصـلاح
حرمنـا مـن منيحتنـا منحهـا واحـدٍ ممنـوح=حلب لي حلبة حلوة وطاح إبها مِحْمِـد الأجنـاح
ألا ياصاحبي وإن حال بك حالٍ فـرح مسمـوح=حددني عنك حد الحد وأنت إحلم علـى مـاراح
حلمت البارحة حلمٍ إلاي وصويحبـي بصطـوح=يحيي بي وأحيي بـه وأحبـه وأنشـق الأريـاح
دحل جرحي وكيف أوحي وكيف أحيا وأنا مذبوح=وأنا ما أحسب سهوم الحب تذبحني بغير سـلاح
وأنا حضي على حضي وحضي كالـحٍ مكلـوح=إلى حر الحباري حار حضي وأنحـر الملـواح
حلي الحص حصلته وحاص الحـض بالمملـوح=حذف به فوق حزمٍ ممحـلٍ ماحـام بـه سـراح
وأنا إن حصلت لي حصه حرام إن تقتلب ذرنوح=وإلا حملت حمل الزل يقلب به وصـار سيـاح
وكد حضي يفرحني بحرب العدا وهو مسـدوح=إلى منه تحزم واحتزم للحـرب صـاح وطـاح
التميز
الإهداءات
القصيدة الحلحلية النادرة
