لوعة الحب

الشاعر : عبدالرزاق خلف

ما فيه بالدنيا قلوب إتشابه=أقولها يا بنت وإنتي تعرفين
لا تهزئين بشخص يشكي صوابه=يمكن مع الأيام مثله تصيرين
محتر يطفي لوعته بالكتابه=لا مرتكب ذنبٍ ولا شيء تدرين
يشكي من الحظ الردي يوم جابه=ما يدري إنك في هواه إتسلين
مسكين من ذاق الغرام وسعابه=ومسكين من ضيّع على شانه سنين
بس إتركي شخصٍ عزيزٍ وصابه=اللي يصيب قلوب غيره كثيرين
مجروح له بقلوب ربعه مهابه=من عزته يخفي عنا الهم والبين
صلبٍ ولكن ما اسعفته الصلابه=عزيز نفس ولا بكت يوم له عين
يمكن يجي وقتٍ تطقّين بابه=وعندها يا بنت والله لتحسين

مشكور على النقل الرائع


اختيار موفق


كعادتك مميز فيما تدون نقلا و قولا


الله يعطيك العافية


تقبل مروري


لك خالص الود والتحية

صح لسانك
بصراحه القصيده في قمة الروعه
ولا تحرمنا من جديدك

كل الود