السلام عليكم ورحمة الله وبركاته
الأبيات بدون مقدمات
أحسبك ليا مريت تسلم عليه=أقلها وأذلها وأنت ممنون
لو قلتها فالأجر الكم وليه=لكن بعض الناس للخير ينسون
وكمالة الماجوب تصافح يديه=تنشد عن الأحوال هي كيف وشلون
تقعد معي لو كان حتى شويه=نستذكر اللي فات بأيام وسنون
لكن باين ما لكم عاد نيه=أشوفكم بالود من دون في دون
دارت بك الأيام دورة رديه=خلتك تنسانا بعد كنت مفتون
ما كنت أظن بيوم تصبح كذيه=حتى السلام يعز لمن تمرون
وأنا الذي أحسبك مني وفيه=أمون وأنته مثل ماكنت بتمون
أجيك وتجيني بروحة وجيه=ما مل منك ولأنت من اللي يملون
مهما تباعدنا فكنا سويه=أحن لك وأحسبك من اللي يحنون
هذا شعوري لين شفتك هنيه=ما قلت:كيف الحال ياللي تسالون
ناس(ن)ليا مروا يردوا تحيه=وناس(ن)ليا مروا نسوا ما يردون
التميز
الإهداءات
أحسبك ليا مريت تسلم عليه !!!
رد: أحسبك ليا مريت تسلم عليه !!!
