أسعدكم الله
كلنا نعرف أن الحسابات والأجهزة والمعلومات تتهكر
لكن هل سمعتم عن قلوب تتهكر
صار واليكم الأبيات
يا ناس قلبي من حبيبي تهكر=قولوا لقلبي الف مليار مبروك
الصاحب اللي للهوى ما تنكر=يا قلب يسوى بالغلا لأم وأبوك
طعمه لنبضك مثل شهدٍ(ن)وسكر=يهناك حبه والمشاعر يهنوك
واجب عليك بكل نبضة تشكر=دامك بحبه طول الأيام مشبوك
يا قلب حاذر للغلا لا تعكر=إحذر تخلي دمع الأعيان مسفوك
أعطه مطاليبه قبل لا تفكر=يا قلب لا ترخص لغالين حبوك
مد العطا لحبيبي لا تحكر=بعد تربع داخلك شوق مسبوك
باب الوفا دون الغلا لا تسكر=مهما حداك الوقت والناس حدوك
في كل حال وكل موقف تذكر=إن الوفا واجب لمنهم تفدوك
وختامها قلب الوفا ما تدوكر=بابه لخلي دايم الدوم مفكوك
تركت له منفذ لقلبي وهكر=قولوا لخلي الف مليار مبروك
التميز
الإهداءات
قلبي من حبيبي تهكر !!!
رد: قلبي من حبيبي تهكر !!!
