بدون مقدمات
اليكم الأبيات
يا قصيدي قبل مرحل ودي أعلن لك وصاتي=وصل المنظوم مني يا قصيدي حي غالي
يا قصيدي خبر المضنون يذكر لحسناتي=وإن نسيها لا تلومه فدوته لو كان حالي
خبره إني نويت أهجر زماني من سكاتي=عازم أمسح كل ما خطيت في ماض الليالي
وإن نشدك الزين عني قول له ما فات فاتي=الجواب اللي يريده يعرفه قبل السؤالي
ما بقا بعد الرحيل الا بقايا ذكرياتي=من زمانٍ(ن)فات حلوه ما بقا للجي حالي
تنزف جروحي وأداري خوف من كثر الشماتي=أكتم الأوجاع في صدرٍ(ن)من الفرحات خالي
أطرد أحلامي وأصارع لوعتي ودي وهاتي=وأنسج أفكاري قصائد بين ميلٍ(ن)وإعتدالي
لين مليت القصائد والأمل أصبح رفاتي=وإنكسر عزم الفؤاد وهان للموت إغتيالي
يا قصيدي والسموحة قبل لا يبدا سباتي=للقوافي يا قصيدي بشهر اليوم إعتزالي
كل شيء له بداية وكل حيٍ(ن)للمماتي=ما عدا الله يا قصيدي كل خلقه للزوالي
التميز
الإهداءات
إعتزالي !!!!
رد: إعتزالي !!!!
