اعيش وحداني ولاخاط انجاس
اصون نفسي عن هل القال والقيل = واعيش وحداني ولا خالط انجاس
الوحدة افضل من خوي البهاذيل = الي يجيب لصاحبه هم واتعاس
يشيع بين الناس هرج الاقاويل = ومايمشي الا في طريق اهل الافلاس
تلقاه ينشر للفتن والاباطيل = وماينقل الا الشر بالحكي هلاس
يجلب عليك العار بين الرياجيل = ويلوث السمعه مثل طابخ الفاس
احرص على خوة نشاما حلاحيل = الي تبا رفعتك ياطيب الساس
نظراتهم تاصل الى الجدي وسهيل = همه كبيرة عاليه ترفع الراس
خطوة على درب الرجال المشاكيل = الي بنوا في قمة المجد مجلاس
فلة حجاج وليل فيه التعاليل = وسوالف يطرب لها كل نوماس
تجني مع الايام حلو المحاصيل = اقلها سمعه كريمه مع الناس
اصون نفسي عن هل القال والقيل = واعيش وحداني ولاخالط انجاس
التميز
الإهداءات
اعيش وحداني ولاخالط انجاس
رد: اعيش وحداني ولاخالط انجاس
