شعر ومشاعر
تدرون منهو ونيسي بعد مالراس شاب=
سجادتي والقرآن أقرأه وإلا أسمعا=
تدرون وش حالتي لامن ذكرت العذاب=
العين تنثر مطرها أربع ٍ(ن) وأربعا=
وتدرون منهو رفيقي في زمان الغياب=
المسبحة والتأمل والألم والدعاء=
ياكبرخوفي ليا من صرت تحت التراب=
أخاف من ضيقة ٍ(ن)فالقبر ما يوسعا=
وأخاف لا غادر الأقراب وأياالصحاب=
اهوي بنار ٍ(ن)حطبها من حجر تولعا=
وتدرون وشهو يخوف في نهار الحساب=
لا ضاع كل الذي أحسبه لي ينفعا=
وتدرون شنهو يطمن بالأجر والثواب=
رحمة كريم خلق للعفو ما يمنعا=
وتدرون وشهو يطمن من شديد العقاب=
أطمع محمد نهار البعث لي يشفعا=
وأرجي لرحمة منزل معجزات الكتاب=
اللي خلقنا من تراب ٍ(ن)وله نرجعا=
للي خلقنا منه والعمر لمعة سراب=
مأحد ٍ(ن)مخلد بها قدوم ومودعا=
التميز
الإهداءات
يا كبر خوفي ليا من صرت تحت التراب !!!
رد: يا كبر خوفي ليا من صرت تحت التراب !!!
