حمامة الغصن صوتك حرك احساسي !!!

أسعدكم الله

كالعادة الأبيات بدون مقدمات

حمامة الغصن صوتك حرك احساسي=سمعت ونك تعالي واسمعي وني
ذكرتي القلب لأمرٍ(ن)كان متناسي=سمعت صوتك حزين وصار محزني
وحيدةٍ(ن)فوق غصن أعواد يباسي=النوح صوتك حمامة والوجع مني
وجع سنينٍ(ن)طويله صعب ينقاسي=من لوعةٍ(ن)بالحشا ياطير تسكني
غبر الليالي حمامة شيبت راسي=حتى وليفي تخلا ما تحملني
بعده عني زمانه والزمن قاسي=أدوره مير أشوفه ما يدورني
قلبه قسي عقب كان برق قرطاسي=حتى المجامل حسافة ما يجاملني
حبه هلكني لكنه داله وناسي=ما كنه اللي يعرف إنه مجنني
لو غبت عشرين عامٍ(ن)قال لا بأسي=وأنا أتوجع وحبه حتم مهلكني
لكن من الحب أقل له يا بعد ناسي=خل المواجع لقلبي عيش متهني
ما عاد تفرق معي زفرات الأنفاسي=أنوح نوح الحمام اللي مقابلني
أجر صوتي قصيد وبيه عماسي=والغصن فوقه حمامة ما تجاوبني
حمامة الغصن صوتك حرك احساسي=سمعت ونك تعالي واسمعي وني

صح لسانك واعتلا شانك رائع لله درك

روووعة شاعرنا الراقي تسلم الايادي واللسان

رووووعة صح لسانك وسلم بنانك ساعرنا العذب ربي يسعدك

صح لسانك مليون ولا يكفون


ابداع لله درك

صح لسانك واعتلا شانك



ابدعت وامتعت

صح لسانك واعتلا شانك ابدعت لا هنت



تقبل التحية

صح لسانك واعتلا شانك دائما مميز



تقبل التحية

رائعة من روائعك صح لساااااااااااااااااااانك

صح لسااااااااااااااااااانك وفيت وكفيت