الكلمة الجارجة والدمعة الحارقه !!!

طابت أوقاتكم

يا قلب لولا اندفاعك ما تعبت بدواي=بالكلمة الجارجة والدمعة الحارقه
يا قلب سبة شقايه منك جاني بلاي=الروح تتبع هواك وجاتني غارقه
أغرقتها بالغرام ولا حصل لي مناي=واقع حياتي عن أحلام الزمن فارقه
أتبع حلومٍ(ن)كبار ولا تحقق رجاي=أثر الأماني بعضها للعمر سارقه
أحلم بوقتٍ(ن)يجمع شملنا هاي هاي=أحلام ياكبرها للمعتقد خارقه
لكن طاحت نجومي وإختفت من سماي=ما ظنتي بعد غابت شمسها شارقه
من عقب غاب الوليف اللي تملك هناي=عفت الليالي وعفت أحلامٍ(ن)مفارقه
ذاك العشير المبجل لو يجيبه دعاي=ما كانت الروح من مي القهر شارقه
دنياي من دون وصله جمرةٍ(ن)في حشاي=ما دام ماني بشايف للوصل بارقه
السعد ولى زمانه والشقاوة معاي=مدري من أي اتجهات العمر مارقه
من حظ وإلا من أحلامٍ(ن)هدفها شقاي=كل ما هجعت بمنامي جاتني طارقه
وأشوفها بالصباح ومربكة لي مساي=كل ما بغيت أتريح جاتني زارقه
يا قلب لولا اندفاعك ما تعبت بدواي=بالكلمة الجارجة والدمعة الحارقه

صح لسااااانك ابداع شاعر متمكن


تقبل التحية

صح لسانك واحساسك شاعرنا الرائه

صح لسانك قصيدة رائعة



احترامي

صح لسانك وكل كيانك

تقبل التحية

صح لسانك مليااااااااار


احترامي

صح لسانك شاعرنا روووعة تسلم الايادي

صح لسااااانك ابداع لا يستغرب


تقبل التحية

صح لسانك واعتلا شانك


قصيدة راقية


تقبل التحية

رائع صح لسااااااااااااااانك


موفق