طابت أوقاتكم أين ما كنتم
ونيت قالت يا غلا ليش ونيت=قلت أنت.(ي)اللي تعرفين بسببها
قالت وربي دارية بس حبيت=اسمع جوابك بعد ربي كتبها
أونس بصدرى ونتك شمعة ثبيت=هزت خفوقي والعظام وعصبها
عورتني وأوجعت للقلب وأبكيت=عينٍ(ن)تلفك يا هواي بهدبها
والمعذرة لن كان في حبك أخطيت=روحي مثل روحك ونينك عتبها
لكن يا تاجي ليا أصبحت وامسيت=اطلب كريم ٍ(ن)رحمته ما حجبها
أعمارنا وأرزاقنا بالتواقيت=سبحان من هو يا غلاتي وهبها
لو كان تنفع ليت جاوبتك بليت=لكنها حظي وحظك غلبها
ياما قبل ذا الحال قربك تمنيت=لكن روحي ما تحقق طلبها
ركضت بالأحلام لين إني أزريت=وسلمت للأيام نفس وتعبها
عجزت أقاوم ضغط الأيام وأدميت=مشاعري يوم إن حظي نكبها
إن كان تحسبها عماية قد أعميت=أمالي اللي حب روحك سلبها
وإن كان تحسبها غواية فما اخطيت=قلبي وعقلي يا غرامي شربها
نار الهوى بالقلب من دون كبريت=الزيت دمي والحنايا حطبها
ما تنطفي نار الهوى بعد شبيت=لين القيامة في كياني لهبها
مهما تصير ظروف وأقبلت وأقفيت=مالك بديل بنفس حبك نهبها
وأون مع ونتك لن كان ونيت=أعرف سببها وإن جهلت لسببه
التميز
الإهداءات
عجزت أقاوم ضغط الأيام !!!
رد: عجزت أقاوم ضغط الأيام !!!
