أسعد الله أوقاتكم
تخيل لو يزعل منك من تود وأنت ما تمنى زعله
ولكن ما تعرف سبب هذا الزعل هو جد والا لا
ولو سألته بيقول لك مافيه شيء
والله إني ما هويتك يازعل والا بغيتك=لين شفتك في عيون اللي يعذبني زعلها
ما هقيتك يا زعل تقدر عليها ما هقيتك=والله إنه ما تهون دموعها تجرح نجلها
حينها لو كان لي مقدور بالخنجر ذكيتك=لين أطيب خاطر اللي صرت أنا داني أهلها
في قصيدي يا قصيدي كم كتبتك ثم قريتك=كم قريت أفراحنا اللي خفت من ضيقك قتلها
حسبي الله كيف تزعل يا غلا بعد عطيتك=كل عهد وكل وعد أشواقنا مبغى بدلها
أنت وحدك اهتويتك وأنت وحدك ارتجيتك=لين سكنتك بروحي منزلة محدٍ(ن)وصلها
بعت كل الناس قبلك يا غرامي وإشتريتك=المشاعر من عرفتك حبك الساحر دهلها
أنت حلم أيام عمري كم تعنيت ولقيتك=يا هنا روحي بروحك يا شذاها يا عسلها
ما شكيتك للبشر الا لذاتك إشتكيتك=أشتكي لك كل لوعة أنت سبتها واسالها
إن بغيت أجدد الحلفان وأقسم لك هويتك=كل ليل وكل يوم وعزة المولى لقلها
وإن بغيت أفداك يالغالي بروحي إفتديتك=قلبي وروحي وعمري فدوة الولف وخجلها
أنت محبوبي وروحي دم شرياني سقيتك=الغرام اللي أحسه قاسي ضلوعي نحلها
ما تفارقني طيوفك لا تحسب إني نسيتك=والله إنه ما شغل فكري سواك ولا مثلها
أتسلى بالقصائد مير ما عمري سليتك=ما هويتك بأول أيامي وأبنساك بتولها
والله إني ما هويتك يازعل والا بغيتك=لين شفتك في عيون اللي يعذبني زعلها
التميز
الإهداءات
ما تهون دموعها تجرح نجلها !!!
رد: ما تهون دموعها تجرح نجلها !!!
