بعد فتره من الغياب استمحيكم عذرا و اهديكم هذه الفاتنه عل و عسى ان تشفع لي على الغياب
ماجيت متشمت ولا جيت جايع
ولا جيت بس دفعة بلا للمشاريه
جيتك وانا قلبي مسلّم وطايع
باللّي تريده حاضرٍ به واسوّيه
اشريك أنا مهما يقولون بايع
ياللّي حلاة العمر من تنوجد فيه
ماني مثل من هو يسوم البضايع
لجل التسلّي خالياتٍ مخابيه
غير الوفى ماشوف بي من طبايع
قلبي نصاك وطالبك لا تخلّيه
مافيه داعي سرّنا يكون ذايع
مابين خلق الله ترى السّتر نشريه
أبايعك وأبقى لْموتي أبايع
انت مناة القلب وأغلى امانيه
محلى من السكر اذا كان مايع
غير أبتسامه ثم قولتك لبّيه
في غيبتك ماشوف غير اللّوايع
همٍ يجيب القلبْ وهمٍ يودّيه
كاني بدونك بعض الأيام ضايع
فانت بدوني عالمك تيه في تيه
.
عايد مرزوق العويس - المانيا ..
التميز
الإهداءات
مناة القلب عايد مرزوق العويس
رد: مناة القلب عايد مرزوق العويس
