حبيب الروح مدري حياتي !!!

أسعدكم الله

أبيات كيبوردية لعيونكم

علها تروق لكم

وينك حبيب الروح مدري حياتي=فاتت مواعيدك وزلت حراويك
منهو بعدك يلمني من شتاتي=الله يكمل بالسعادة لياليك
ليل الهنا ما يكتمل لين تأتي=ياللي حلومي والمشاعر تناديك
انا بدونك ما هناني مباتي=كل ما غفيت أفز وأجيب طاريك
أصيح مدري حلم وإلا عياتي=كل مالعب بالفكر هاجوس هاويك
ونات قلبي يكسرن لسكاتي=لا من ذكرت اللي عن الوصل حاديك
أغدي سواة اللي علقه طعناتي=أون وظعون الأماني تباريك
من لهفتي أذكرك حتى بصلاتي=ما كنك إلا فرض مكتوب اصليك
رفيق قلبي لين وقت المماتي=في داخله بين الحنايا موزيك
يا بسمة أيامي بماضي وآتي=يا نبض قلبٍ(ن)بالمحبة معليك
لا غبت عني يوم زادت شكاتي=ما أبيك عني تعيب ربي يخليك
أبيك عندي يا هواي وغناتي=كل ما بغيتك يا حبيبي الاقيك
وصيتي لن كان تحفظ وصاتي=لا تبتعد عن قلب ملهوف شاريك
خلك قريّب كيد كل البناتي=لا من طلبتك قول:لبيت لبيك
والك العهد لعطيك حسي وذاتي=كلي علي بعضي مهاويك وأبيك
وينك حبيب الروح مدري حياتي=فاتت مواعيدك وزلت حراويك

صح لسانك واحساسك ابدعت الله يعطيك الف عافية

صح لسانك للرضا ابداع معهود ومشهود


تقبل التحية

الله على الجمال


قصيدة رائعة بروعة شاعريتك

صح لساااااااااااااانك

صح لسانك رائعة من روائعك المتجدد تسلم الايادي

صح لسانك واعتلا شانك بدعت كعادتك لله درك

صح لسانك ايها الشامخ




تقبل الاعجاب

صح لسانك شاعرنا رووووعة تسلم الايادي

صح نبضك ولسانك ابداع غير مستغرب الله يسعدك

صح لسانك استاذ الشعراء



تقبل التحاياااااااااااااااا