طابت أوقاتكم أين ما كنتم
اليكم ما جادت به القريحة
الا ليت وقت ٍ (ن)فات قبل الفراق يعود=نلم الشمل ياساحر الحسن والمنطوق
يا عذب اللما ياشهد يا سكرٍ(ن) معقود=متى تصفي الأيام لقلوبنا وتروق
نبي نسقي عروق العطش من زلال عدود=تلين الكبود اليابسة عقب جاها عوق
نعوض زمان البعد والهجر قبل تزود=مواجيع بعد.ٍ(ن)عكرت صافي المعلوق
ياليت الزمان اللي بخل بالوصال يجود=يجمع شتات أرواح من بعد طول فروق
لكن الزمن مدعوم من حظنا المقرود=مصمم على فرقا معاليق ماش رفوق
بذلنا على شأن التواصل عمر وجهود=لكن الزمن زود حروق القلوب حروق
تعبنا نسوق أحلامنا مير ماش فيود=عجزنا نحقق للغلا والغرام حقوق
طرق الهنا في دربنا يا غلا مسدود=على أخره مكتوب هذي نهاية شوق
لكن القدر قيد قلوب الهوى بقيود=ولا فيه حيلات بأمرٍ(ن)نزل من فوق
الا ليت وقت ٍ (ن)فات قبل الفراق يعود=نلم الشمل ياساحر الحسن والمنطوق
التميز
الإهداءات
ساحر الحسن والمنطوق !!!
رد: ساحر الحسن والمنطوق !!!
