أسعد الله لياليكم وأيامكم بكل خير
تعال العين مشتاقة لشوفك يانظر عيني=تعال الحق بقايا العمر خائف لخسره كله
ترى غيبتك لا طالت ياسيد الكل تبكيني=تشب النار في قلبٍ(ن)يضمك يابعد من له
أموت من القهر والشوق ملقى من يواسيني=يصيح الوجد فيني والبشر ماحي يفطن له
لو إن اللي فقدته مات جا منهو يعزيني=لكن اللي فقدته حي يرزق ما شكى عله
عسى عمره يطول ويسعده ربٍ(ن)مربيني=عسى كل المكاره والمصائب دايم تزله
تمنيته قبل ملقاه لكن فينه وفيني=تباعدنا بعد كنا جسد مربوط مع ظله
مسافاتٍ(ن)طويله فاصله ما بينه وبيني=ياليت القلب كله ينرسل للولف وأرسل له
ما برسل له كلام ولا قصيدٍ(ن)فيه تلحيني=أبرسل له فؤادي ماحوى دقه على جله
مناي أعيش بين يديه بعيونه يراعيني=أبي قلبي يعيش بجنته ورده على فله
أبي أسمع بهمساته ليا كانه يناديني=وأبي عيني تكحل من سنا نوره ولا أمله
أماني ليتها بعد الجفا ترضا وتعطيني=تقرب لي بعيد الدار حبل بعاده تحله
تعال العين مشتاقة لشوفك يانظر عيني=تعال الحق بقايا العمر خائف لخسره كله
التميز
الإهداءات
العين مشتاقة لشوفك !!!
رد: العين مشتاقة لشوفك !!!
