يا فيصل النفس تأمرني وأطاوعها !!!

كل عام وأنتم بالف خير

عاد عيدكم

في صباحية 3 أيام العيد اليكم هذه الأبيات

واللي يرد عليها أول واحد... له حلاوة العيد

دامت لكم الأفراح

يا فيصل النفس تأمرني وأطاوعها=تتبع هوى القلب في مقفا ومقبالي
الخير والشر يا فيصل يصارعها=من عدة سنين هذا بالزمن حالي
بعض المطالب عزيزة كيف نمنعها=بالذات لا من طراها طاري الغالي
ما تقبل أحدٍ(ن)على حبه ينازعها=خطٍ(ن)حمر عندها في كل الأحوالي
الحب كله درسته في مراجعها=قريت بكتابها سعدي وغربالي
لو تقلع العين يا فيصل بأصابعها=في ذمتي ما يكدر فعلها بالي
وثائق الحب فوق القلب طابعها=جميع ماهو بيحلا له ويحلا لي
أبواب قلبي عن العالم مشمعها=قلبي مخصص لناسٍ(ن)قدرهم عالي
النفس من غيرهم قلت مطامعها=ما عاد لي بعدهم مزيون يطرا لي
الروح في حبهم ربي مولعها=أغلى على القلب من جاهي ومن مالي
الله وهبني محبتهم وزارعها=في داخل القلب منزاله ومنزالي
لو كان نفسي ثقيلاتٍ(ن)مواجعها=البعد عنهم ثقيل وصعب ينزالي
والله ما أقصر مواجيبي ولا أقطعها=بمد حبل الوفا لو كان مرسالي
أيامنا اللي مضت لازم نرجعها=الحمل لو هو ثقيلٍ(ن)غصب ينشالي
يالله علينا ليا ضاقت توسعها=تجلب لنا اليسر بعد العسر يا والي
يا فيصل النفس تأمرني وأطاوعها=تتبع هوى القلب في مقفا ومقبالي

الله الله ع الإبداع
صح لسانك يا شاعر القوافل وكل عام وانت بخير

اول رد يا شيخنا ونبي حلاوة العيد هههههههههه

اقتباس : المشاركة الأصلية كتبت بواسطة عبد المجيد [ مشاهدة المشاركة ]

الله الله ع الإبداع صح لسانك يا شاعر القوافل اول رد يا شيخنا ونبي حلاوة العيد هههههههههه

يا هلا بك يا عبد المجيد

والله تستاهل كل علم طيب

ابشر بالبخور والعطور وباقة الزهور


عاد عيك والله من خيره يزيدك




تقديري

الله الله

قصيدة راقية برقي شاعريتك

صح لسااااااااانك

راحت حلاوة العيد لعبد المجيد

ولكن ما راحت حلاوة القصيدة

صح لسانك شاعرنا الراقي ربي ما يحرمنا من ابداعاتك

لو تقلع العين يا فيصـل بأصابعهـا

في ذمتي مـا يكـدر فعلهـا بالـي

وثائق الحب فـوق القلـب طابعهـا

جميع ماهو بيحلا لـه ويحـلا لـي

أبواب قلبي عـن العالـم مشمعهـا

قلبي مخصص لناسٍ(ن)قدرهم عالـي

صح نبضك استاذي
معاني عميقة تميزت بالرقي كما عهدناها حروفك .

وعبد المجيد يستاهل حلاوة العيد

صح لسانك شاعرنا الكبير أبيات في قمة الروووعه


لي صاحبن ما شفت بالكرم مثله
حبيته لشخصه وهذي والله حقيقه

ليته عطاني وقته وامضيه انا كله
تدرون ان الدقيقه ماهيب دقيقه

الله الله


صح لسااااااااااانك للرضا

صح لساااااانك للرضا



ابداع غير مستغرب

استاذ الشعر



صح لسانك لا هنت ابدعت لله درك