أسعد الله أوقاتكم بكل خير
أبيات عليه تروق لكم
صحيح فيك من الحسن شيء واجد=ماهو بفيدك صنع رب المخاليق
وصحيح أنا ماني بللحس جاحد=فيك الجمال اللي ينسيني الضيق
لكن جمالٍ(ن)ما يخصص لواحد=شوفت عيون ونفعته للمرازيق
ياكم كم وكم شافه مشاهد=وياكم تغزل به نشاما مطاليق
وياكم مدوا له كفوف وسواعد=احدٍ(ن)شرب واحدٍ(ن)قضا يابس الريق
ما فاد من مغزاه غير اللواهد=وأوجاع تسرق صحة الروح تسريق
من موعدٍ(ن)في موعدٍ(ن)في مواعد=وأوجاع يرسمها قصيد وطواريق
مرٍ(ن)تجي سحاب برق ورواعد=ومرٍ(ن)يلفقها من الضيم تلفيق
ما يذل نفسه للجميلات ماجد=أخير من ذل الكرامات تفريق
وأخير من ذلٍ(ن)بقرب التباعد=لو الفراق صعيب بالصبر بيطيق
ما يموت في ماقفه غير البواند=والا الحرار تعانق الجو تحليق
ترحل وتترك خلفها الضعف قاعد=عنده سوا الأوضاع لوكان ما تليق
الضيم مايقبله من كان راشد=يرحل قبل ياقع بشبهه وتحقيق
لا ينتظر حتى تحل المناكد=ماتنفع الحسرات من عقب توهيق
التميز
الإهداءات
الضيم مايقبله من كان راشد !!!
رد: الضيم مايقبله من كان راشد !!!
