مابين فيً وشمس واقـف ومنحاس
والأرض من تحتي تراعي فضولي
كـني على درب المـحـاذيـر جسًاس
أغـــط راسـي و مـتــأبــط نـعـــولي
لو الأماني طـيـر ماعــدت بـافـلاس
ولـو الأمـانـي شـي لاقـيــت حــولي
قال المثل مسكـيـن يا طـابخ الفاس
واقـول اشـر الـلـي بحـاله جـهـولي
وانا حـيـاتي مثل واحـد من الـنـاس
اشكـيـلـهـم حـالي وبـعــدي شكـولي
مسكـيـن أولًف وأتصدر بالاحساس
وفي ظـني اني جـبـت مثلـب بطـولي
ليـت الضـمـايـر للمـواليـف حـرًاس
وايـصـيـر قـانـون المحـبـه شمـولي
وليت المحـبـه تنشرب شربة الكاس
واللا العـداله تـنـتـصـر من عــذولي
الـحــب جـمً وكـنًي أغــرف بـمـلًاس
وكنًي على نعـش الهمـوم امحمولي
لوغـمضة العـيـن تشفي عور راس
كان انـتـخـيـت وصارت اول حـلولي
التميز
الإهداءات
الأماني
