جمالها فاق العذارى الرعابيب

السلام عليكم ورحمة الله وبركاته
أقدم لكم هذه الأبيات والتي آمل أن تحوز على رضاكم

لا والله إلا بان في رأسي الشــــيـب=وعشيقتي من دونها البعد جايــر
واسبلت دمع(ن)غرق الخد والجــيب=والسر يعلم به علـــيم السرايــــر
جمالها فاق العـــــذارى الرعــــابـــيب=واطيابها فاقت جمـيع العطايــــــر
من دونها المكروه والشــك والريــــب =بين الرجــا والياس فالخط سايــــر
منيت نفسي علها تكسب الطيـــب=وتوب من فعل الخـطـأ والصغايــــــر
واوصل منزلها وتصفى المشــاريـــب=وأرتاح من دنيا التــعب والخسايـــر

وتقبلوا خالص تحياتي

صح لسانك يا بن عبيان


أبيات قمة بالروعة والعذوبة



ونسأل الله أن يحقق مطلوبك وتهتني بمحبوبك

الشيب ما يحسب من النقص والعيب=الشيب لامن بان جات الفكاير
لو كان ما ترغبه بعض الخراعيب=يبن من شعره مع الريح طاير
ومن لا يحسب نقد والا عذاريب=تدور فوقه بالزمان الدواير

تقبل خالص تحيتي

صح بدنك يابن هليل شهادة

من رجل عظيم والله كريم

واسأل الله لك بمثلها في جنات الخلود

وتقبل خالص الود

صح لسان شاعرنا وشيخنا ابوخالد وصح لسان شاعرنا شيخنا ابوعبدالله وتقبلوا تحيات محبكم في الله ابو فواز

صح لساااانك ..

وبيض الله وجهك . . وننتظر جديدكـ . .

خالص الود
.......

صح لسانك يا ابن عبيان

ودايم القمراء ماهي على هوى الساري

دمت في افضل حال

الاخوان الافاضل راع الصدق - السيف- طيرالسعد شــــــــــــــــــــــــــــــــكرا وصحة ابدانكم

يالله ياللي تعلم الجهر والغيب = ويامطلع عن ماتفيض العباير
انك تحقق له جميع المطاليب =و في اللي على لامه يسوق البشاير
صح لسانك أخوي ابن عبيان=
وبيض الله وجهك =