النار مثوى من غضب ربي علاه

مساكم الله بكل خير

يالربع العبد من عينه لي العبد من ليلة العيد هج

واخاف لا يكون ذبحه المرقوق تراه ليا لقي العيشه ينسى نفسه

المهم

الله يجيبه بالسلامة

والا

يقرب وكيله كان له وكيل لهذا الطاروق خفيف الدم

ياربعنا والعبد وينه وين وين=غائب عن الساحة وعيا لا يبين
والمشكله لن غره بليس اللعين=النار مثوى من غضب ربي علاه

العبد لن خالف لأمر عمه=من واجبه عن الخطأ يرباه
وإن عادها مهدور له دمه=محدٍ(ن)يلوم العم لو ذكاه

الله الله

صح لسانك يَ مديرنا

العبد جته تخمه و أبشرك طيب من عقبها

و أنا وكيله

نص ساعه و راجع

تقديري لك ..

الله الله


مبدا كايف


صح لسانك

سعيد طيب يَ الذويبي و مرتاح
مَ هو على خبرك غدى رجل نصاح
و إليا خلص يكفيه كرتون تفاح
النار مثوى من غضب ربي علاه


العبد لا منه ورد جمه /:/ يمناك تقصر مَ تجي يمناه ..
فيصل عتقهم و أبروا الذمه /:/ و السيف قدمك مير لا تنصاه ..

الله الله

صحت الألسن شعراء مبدعين

يابندر تأكد من موالك اللحن أظنه ماهو تمام !

اقتباس : المشاركة الأصلية كتبت بواسطة صامل العصيمي [ مشاهدة المشاركة ]

الله الله صحت الألسن شعراء مبدعين يابندر تأكد من موالك اللحن أظنه ماهو تمام !

يَ هلا و غلا يَ صامل

صح بدنك طال عمرك

و الله اللحن ماني بَ متأكد منه

و إذا طلع فيه خلل الطاروق يكفي عن الموال

و شرفني مرورك يَ الغالي ..

الله يسلمك

والله من زمان عنكم

ماتزورونا ولا تبدون علانا هههههههههه

كل عام وأنتم بخير

لاعدمناكم

اقتباس : المشاركة الأصلية كتبت بواسطة صامل العصيمي [ مشاهدة المشاركة ]

الله يسلمك والله من زمان عنكم ماتزورونا ولا تبدون علانا هههههههههه كل عام وأنتم بخير لاعدمناكم

هههههههههههههههههه

بعض البيوت عيبً عليك تدخلها

كل عام و أنت من صوامه و قوامه

الله يسلمك ويحفظك يالغلا

,,,,,,,,



ترى مافهمت عليك

الله الله

يامرحبا حييت ياولد مقاط=إن جيتنا بأذار والا في شباط
الجد يابندر مناقض للهياط=النار مثوى من غضب ربي علاه

بندر يحب العبد من خشمه=وأنا قضبت العبد من علباه
عتق الغصيبة باطلٍ حكمه=ماهو موفق واحدٍ سواه