بسم الله الرحمن والحمد لله !!!

أسعدكم الله

المجالسي لون شعري حجازي معروف ولكن الكتابات فيه قليلة

وقد سبق وأن كتبت فيه بعض القصائد وها أنا اجدد العهد به في هذه المعزوفة

علها تروق لكم

بسم الله الرحمن والحمد لله=الواحد اللي مالنا غيره إلاه
بأمره وتدبيره وحكمه عبدناه=سبحانه المعبود علاَّم الأسرار
ما هو يريد إن قال له كون بيكون=خلق جميع الكون ما يعجزه كون
شواهده تعجز لخلقٍ(ن)يشكون=سبحانه المجري تصاريف الأقدار
خلق لآدم من ترابٍ(ن)وسكنه=في جنة الفردوس للخير مكنه
لكن غواه ابليس للشر ركنه=سبحانه اللي يعلم بكل ما صار
قال:اخرجوا منها على غير راضين=والكم وعد تجوم فيه متقاضين
على الجزاء بالعدل ماضين ماضين=سبحانه اللي يجزي بجنة ونار
من يومها وابليس للناس يغوي=كثير منهم في حبايله يهوي
النار موعد كل غاوي بتشوي=سبحانه الرحمن عادل وجبار
أرسل رسل تخبر وتنذر عباده=من يوم فيه يشيب طفل الولاده
يومٍ(ن)قريبٍ(ن)ما يطول بعاده=سبحانه اللي قدر أجال وأعمار
يوم الكتب فوق الخلائق تطاير=فيها جميع اللي جنوا من جراير
فيها مكاسب والكثير الخساير=سبحان محصي كل شيء بمقدار
يوم الفزع يوم العدل يوم الإنصاف=في موقفٍ(ن)ما شابهه أي ميقاف
يوم القصاص اللي بلا ظلم وإجحاف=سبحانه اللي ينصف كبار وصغار
من عقبها كلٍ(ن)بيأخذ مكانه=أما بجنة خلد وإلا مهانه
صالي سقر مافيه داني ليانه=سبحانه اللي حوط النا بأسوار
خصص لها خزان ما تعرف الهون=واللي بها من خلق ماهم يموتون
إلى الأبد بالنار والذل يبقون=سبحان موقدها من الناس وحجار
يالله ترحمنا وتلطف بحالنا=ترحم لوحشتنا لصرنا لحالنا
لا صار تعديل العمل هو محالنا=سبحانك ارحمنا ليا حط قبار
فوق اللحود الطين والناس يبكون=على الفراق ومن بعدنا يموتون
لكنهم بعد المغادر بينسون=سبحان من يعلم شقيين وأخيار
طالبك يا رحمن يا عالم الغيب=تغفر لنا يا ساتر الذنب والعيب
بالموقف اللي فوقنا تعلم صعيب=سبحانه المدرك خفيات الأنظار
يا حي يا قيوم يا عالم الحال=يا رب تحسن خاتمتنا بالأعمال
قدام نثل القبر بالقبر ينهال=سبحانك أنت الحق في كل الأقطار

صح لسانك وسلم بنانك ياشاعر القوافل على هذه الدرة من القصيد

سرني ان اكون اول الحضور

اقتباس : المشاركة الأصلية كتبت بواسطة عبد المجيد [ مشاهدة المشاركة ]

صح لسانك وسلم بنانك ياشاعر القوافل على هذه الدرة من القصيد سرني ان اكون اول الحضور

صح بدنك يا عبد المجيد

يا هلا بك سعدت بحضورك لا عدمتك

تقديري لشخصك الكريم

شاعرنا الراقي صح نبضك قصيدة شامخة ربي ما يحرمنا ابداعاتك

صح لسانك واعتلا شانك قصيدة جزلة

صح لسانك مدد ماهو عدد

قصيدة جزلة من جزل

صح لسانك استاذنا وشيخنا الفاضل


قصيدة جزلة عن موعظة بارك الله فيك

يا سلام يا سلام


قصيدة جزلة ومعبرة


صح لسانك واعتلا شانك

صح الله لسانك قصيدة جزلة ابيض وجه


راق لأبو سعد

جزلة من شاعر جزل ابيض وجه ايها القدير