طابت أوقاتكم أين ما كنتم
يا هوى البال كانك مامضى تذكرين=
بالسنين الطوال اللي لحالي برت=
عشر مدري قراب العشر لو تحسبين=
كم ليلة بقلبي من هواك حفرت=
في فؤادي غرامك يبهر العارفين=
المحبة خفوقي للغلا سخرت=
ياغرام الفؤاد ويا خدين السنين=
كم ليلة عيوني ياهواي سهرت=
أخر الليل سراني عليك الحنين=
والمشاعر على دربه بقلبي سرت=
بعد نامت عيون العذل الحاسدين=
القصائد تغنت بك ولي خبرت=
إنك اللي تحركها بسحر ٍ(ن)مبين=
القصائد درت به والبشر ما درت=
كل ما جئت في بالي تغنيت لين=
كل عبرة من الأشواق لي عبرت=
يرتجف من خبرها صافي ٍ(ن)بالبطين=
والمشاعر تعاوى والعيون أمطرت=
لا ذكرت البعاد اللي حدانا وبين=
حل بالصدر ضيقة مثلها ماجرت=
يا هوى البال كيف أجيك وإلا تجين=
الليالي تسابق للهوى ما درت=
راحت أعمارنا في عسر ماشفت لين=
السنين الطويلة للهوى كدرت=
كل ما قلت تصفي زادت الطين طين=
الليال الجميلة بالجمال أدبرت=
ما بقي غير ونة بالزمان المشين=
ليتها ليتها يا غايتي ما طرت=
أرتجف من سببها وشوقي معين=
مير روحي ياروحي بعد ما عذرت=
ليت الأيام ترجع مثل ما تخبرين=
والليالي تصفي كل ما عكرت=
أترجى زماني بعد عسره يزين=
وأهتني بك ليا من الليال أنورت=
وأنت ِ اللي لحالي بالزمن تعرفين=
مير الأيام مجداف الصبر كسرت=
كل ليلة أساهر عبرتي والونين=
لين غبر الليالي خاطري دمرت=
يا هوى البال كانك مامضى تذكرين=
بالسنين الطوال اللي لحالي برت=
التميز
الإهداءات
أخر الليل سراني عليك الحنين !!!
رد: أخر الليل سراني عليك الحنين !!!
