لبيك يا عذب الطواريق لبيك !!!

لبيك يا عذب الطواريق لبيك=من يوم زانت للقصيد المعاني
أطلقت خيل الشعر تركض مدابيك=وأرخيت للطاروق كض العناني
أرسلتها مني على الشاعرة ذيك=اللي معرفها شفوق العناني
من عزوةٍ(ن)ظفران ماهم صعاليك=أهل السيوف المرهفة والسناني
الله يسقي يا شفوق لمرابيك=أقولها يا بنت سر وبيـاني
والله يجزى خير شيخٍ(ن)مربيك=على الكرم والطيب بنت الحصاني
من عقبها يا بنت جتني طواريك=نظم القصيد اللي زهاه البياني
ما أغليتي إلا حي لا شك مغليك=هذي حياة الخلق قاصي وداني
مشاعرك في غير صاحبك تعصيك=وأنا خفوقي فيك قام يعصاني
لكن أنا يا بنت جئتك وأهنيك=مني لكم يا بنت حلو التهاني
حلو القصيد اللي نظمتيه يغنيك=عذب المشاعر فيه جزله سماني
صبيتي لعذب القصائد بتسقيك=وأنا قصيدي أشربه ما سقاني
بالمختصر يا بنت من شعري أهديك=هذي مجاراتي ومنطق لساني
والخاتمة أدعي لمولاي يهديك=وأدعيه سر وجهر عل يهداني
لبيك يا عذب الطواريق لبيك=من يوم زانت للقصيد المعاني

صح لسانك واعتلا شانك


تقبل التحية

صح لسانك مبدع بكل قصائد معين شعر لا ينضب

صح لسانك مليون ولا يكفون احترامي

رائع لله در قلمك الذهبي صح نبضك

صح لسانك واعتلا شانك ابداااااااع

صح لسانك شاعرنا العذب ربي يوفقك

ابداااااااااااااع


صح لساااااااااانك


احترامي

صح لسااااااااااااااانك احسنت

رائع لله درك شاعر الابدااااااااااااااع