بسم الله الرحمن الرحيم
السلام عليكم و رحمة الله و بركاته
طاروق سابق بيني و بين الشاعر/ نايف غزاي العازمي ،،
نايف العازمي :
يَ المقاطي لا تسوي لك عصابه /:/ و السيوف الحدب راسك من تحتها
مَ نبى نفرض على مثلك رقابه /:/ و أنت من ربعً تشرف معرفتها
بندر غزاي المقاطي :
أنت يَ نايف مسوي لك حرابه /:/ و القريب العام خلق الله بهتها
مَ أنته بَ كيفك حلال أهل المهابه /:/ يوم مَ تبي و ربعك قد بنتها
نايف العازمي :
يَ غرابه يَ المقاطي يَ غرابه /:/ قصتك كل الصحافه صورتها
دام بيت العز مفتوح لك بابه /:/ لا تفرط فَ الرجال و معرفتها
بندر غزاي المقاطي :
لو أجامل رحت يَ نايف نهابه /:/ قصتي نص الصحافه حرفتها
بيت عز و بيت يَ نايف خرابه /:/ علمه وش حاز منها منفعتها
نايف العازمي :
كان مَ أنته ذيب تاكلك الذيابه /:/ و الحقيقه مَ تحرف بينتها
يَ عتيبي لا تنقد في عتابه /:/ و البحور الهوج تغرق باخرتها
بندر غزاي المقاطي :
المقاطي مَ لبس إلا ثيابه /:/ و الصخور اللي على دربه نحتها
علم اللي دايم يغثرب شرابه /:/ تعجز الأقلام معكم مَ حصتها
نايف العازمي :
غن يَ بندر صبا و إلا صبابه /:/ الليالي مَ عرفنا خاتمتها
لو كتبنا لك على صحف الكتابه /:/ فيه كلمه مَ أنت جايب ترجمتها
بندر غزاي المقاطي :
معك يَ نايف مَ ودي بَ الطلابه /:/ البلاوي فَ الليالي جمعتها
لو كتبتوا تاصلك مني إجابه /:/ اليهود القدس و الله دمرتها
نايف العازمي :
سيفنا عزه يَ بندر من نصابه /:/ و ناقة عريمان نعرف مشكلتها
لو يمرك شعف من حيد السحابه /:/ السلامه و السلام بَ خاتمتها
بندر غزاي المقاطي :
لا تشيل السيف و إنته فيك إصابه /:/ مشكله بيني و بينك سالفتها
البحر غدار لا تأمن جنابه /:/ حظ ناسً مَ تعرفه ،، يَ بختها
التميز
الإهداءات
نايف العازمي ،، بندر المقاطي
