سيدة عذب القصيد اللي يزين للقوافي !!!

أبيات من نسج الخيال

سيدة عذب القصيد اللي يزين للقوافي=بشرتني بالقدوم ومنتظر متى تجيني
قالت:أنا قادمة للحج يا مال العوافي=كان ربي يسر الحجة بكمل ركن ديني
قادمة وأطلب رضا ربي ودنيانا خلافي=يا عسى ربي بعفوه يغفر ذنوب السنيني
قلت:مرحب ياهلا بأحسن خبر وأعز لافي=بأمر ربي فالحرم من مي زمزم ترتويني
يا هلابك بالمقام ويا هلابك بالمطافي=ربنا منهو توثق في حباله له معيني
يا هلابك بالقدوم ويا هلابك فالطوافي=ويا هلابك فالسعي ياشرقة النور المبيني
المشاعر كلها مستبشرة يأم الرهافي=فرحتي والله عظيمة والكرم بينك وبيني
أرحبي ثم أرحبي لو الرحب ماهو بكافي=ما يكفي لين أشوفك ماثلة قدام عيني
كل ماهو تطلبينه ياصلك ماهو بهافي=الوفا والطيب منا وأنتم اللي سابقيني
أهل مكة قبل مكة حبهم للكل ضافي=وأنتِ(ي)أغلى في عيوني من جميع الزايريني
فيك دين وفيك زين وفيك حشمة ما تعافي=وفيك ذوق وفيك رقة كاملة من كل زيني
فيك من كل الصفات الصافية والقلب صافي=وفيك علم وفيك حلم وفيك كل اللي تبيني
وأبشري بالمغفرة من رب مايخفاه خافي=حج مبرورٍ(ن)بدون ذنوب لأهلك ترجعيني
مثل ما كنتي رضيعة بدون ذنب ولا خلافي=مخلصة لله من ضمن العباد المخلصيني
سيدة عذب القصيد اللي يزين للقوافي=بشرتني بالقدوم ومنتظر متى تجيني

مبدع بكل المقاييس صح لسااااااانك

صح لساااااااااااانك



احترامي

صح لسانك مدد ماهو عدد


تقبل التحية

صح لسانك مليون ولا يكفون ابداااااااااااااع

صح بوحك شاعرنا روووعة يعطيك العافية

صح لسانك بدعت شاعرنا العذب لله درك

صح لساااااااانك


خالص الود

صح بوحك قصيدة عذبة كعذوبة ذوقك

ابدااااااااع صح لساااااااااااانك