تعال عدل للمولع مزاجه !!!

للتواصل بدون فاصل

الأبيات بدون مقدمات أطرحها لكم كيف ما جات

ياهيه ياللي مشغلتك المراسيل=مرسول ما يقضي لمرسول حاجه
أما تعال وسامر الشوق بالليل=وأشعل بليل الود شمعة سراجه
تعال زيح هموم ليلٍ(ن)مقابيل=يا ثقلهن والفكر فيه إرتجاجه
لا من ذكرتك والمشاعر محاميل=بأشواقي لشوفك هوى القلب خاجه
ونيت ونة تكسر ضلوع حلحيل=منها تهشم مثل هشم الزجاجه
وإن جيتني طابت بليلي تعاليل=فرد لها وجهي مسرة حجاجه
أنسى معك ما مرني من غرابيل=والقلب يرقص لك فرح وإبتهاجه
مشاعري تجيك عجله مداهيل=بالصدق ما فيها خلاف وعواجه
تزف لك من داخلي حب وتزيل=عني وعنك هموم وقت وخماجه
ملكتني بالحسن والطيب ياويل=قلبٍ(ن)تولع فيك والحب لاجه
يا سيد التلعات كافي بهاذيل=تعال عدل للمولع مزاجه
ليلي بدونك مظلمٍ(ن)حيل بلحيل=والوجد ثائر والقصائد عجاجه
غنيتها من لهف مابي مواويل=الشعر للمغرم يعجل علاجه
وإن كان ما طابت جروحٍ(ن)مغاليل=يجي لها لو بعد حين انفراجه
من عند ربٍ(ن)يجزل المد تجزيل=ربٍ(ن)ليا زادت مواجعك ناجه
ياهيه ياللي مشغلتك المراسيل=مرسول ما يقضي لمرسول حاجه

لله درك ثم لله درك

شي فوووق الخيال

ابن هليل سجل اعجابي وعضويه متابعه لمايبوح به قلمك وبوحك

صح الله لسانك عدد ماكتبت بلامدد

عبد الاله


حياك الله وحيالله طلتك

سعدت بحضورك وعذوبة ردك


لا عدمتك واتمنى ان اقدم ما يعجب


لك خاص تحيتي

الله الله


من اروع قصائدك لله درك


صح لسانك مليااااااااااااااااااااااااار

تقبل التحية

صح لسانك


قصيدة رائعة


تقبل التقدير

شاعرنا المبدع المتجدد



صح لسانك للرضا ع النقش الراقي

الله الله



صح لسانك يا مبدع


دائما تتحفنا بروائعك

صح منطوقك يا مبدع القصيد



اتحفنا لا هنت



وفقك الله

صح لسانك للرضا




ابدعت وامتعت وفقك الله

صح نبضك والقلم




شاعر ما فيك حيلة



تقبل التحية