زهرة حياتي !!!

أسعد الله كل أوقاتكم بالخير والمسرات

اليكم الأبيات

علها تروق لكم

يازايرين ديار الأحباب بالله=من شاف لي صاحب من العام غايب
أنشد عنه وأدوره وأتمناه=أتعبت من شانه جميع الركايب
أدوره بالبر والبحر لو جاه=وأنشد عنه حتى ذوار الهبايب
ياليتني عقب العنا يوم بلقاه=يافرحتي لو عاد سيد الحبايب
تبرا جوحٍ(ن)جاتني عقب فرقاه=أنسى ليا شفته جميع المصايب
هُو علتي هُو بلسم الجرح ودواه=ما له بديل ولا عرفت له نايب
سقم لحالي بالهوى لا عدمناه=شيب لرمش العين والراس شايب
عسى العذارى كلهن من فداياه=زهرة حياتي فيه حُسن وعجايب
من هامته الين مخمص بماطاه=مافيه عيب ولا يشوبه معايب
ماله شبيه و لا لقينا حلاياه=أقرب لروحي من قريب القرايب
أهواه وأعشق كل ماهو بيهواه=وأعشق لذوقه والعطر والذوايب
ماني بتارك صاحبي لأجل عيناه=عن الهوى لأجله فلاني بتايب
مهما يطول الوقت ما والله أنساه=حتى يحطوني بلحد ونصايب
بدوره وأعيش دايم لرجواه=عله يعود ونقهر لحظ خايب
يازايرين ديار الأحباب بالله=من شاف لي صاحب من العام غايب

الله يرده سالم

انت عاشق مافيها كلام

وصح السانك ياعم

اقتباس : المشاركة الأصلية كتبت بواسطة سعيد مرزوق العبد [ مشاهدة المشاركة ]

الله يرده سالم انت عاشق مافيها كلام وصح السانك ياعم

عاشق الجنة ان شاء الله ياسعيد

والله إني معين خير من الدنيا ونعيمها وما علي قاصر من فضل ربي

لكن هواجيس الليل اصنفها مثل ما ابي

اهندسها هندسة ويبدو أني نجحت حسب ظنك

وصح بدنك لا عدمتك

صح لسانك قصيدة رائعة بروعة شاعريتك


لله درك من شاعر

قصيدة تتجلى فيها الشاعرية بوضوح


مبنى ومعنى

صح لسانك

روعة من اعذب القصائد لله درك وصح لسانك

صح لسانك يا استاذ الشعر لله درك



خالص التحية والاحترام

شاعر الابداع


صح لساااااااانك


راقت لي

صح لسااااااااااااااانك



تقبل التحايااااااااااا

لله درك وصح لساااااااااااانك مبدع بكل ما تعني الكلمة