أبيات لعلها تروق لكم
أول استبداي بإسمك يا إله=
ياكريماً ما يخيب من رجاه=
والشكر والحمد لله في عطاه=
ربي المعبود يالفرد الصمد=
..................................=
يا إلهى أشكرك حتى الرضا=
شكر يملأ للكواكب والفضا=
أنت وحدك مالك ٍ خير وقضا=
وأنت من وهبت رزق بلا جهد=
..................................=
نعمتك فوقي كبيرة ياكريم=
ياسميع ويا عليم ويا عظيم=
لو بشكر لين نبعث يارحيم=
ماقدرت اوفي بشكري في فهد=
..................................=
الحفيد اللي غلاه أغلى غلا=
من حياتي كلها زين وحلا=
يا هلا به ياهلا والف ٍ هلا=
نور لدنياي بأنوار السعد=
..................................=
احفظه يارب من كل الشرور=
واجعل أعوامه بذا الدنيا سرور=
وارزقه من كل خير بلا قتور=
مد له من كل جود بلا عدد=
..................................=
واجعله قرة لعين الوالدين=
واكرمه يارب من تقوى وين=
زينه بالعقل والحق المبين=
كون له عينه وسمعه والسند=
..................................=
يا إلهي يا مجيب الشاكرين=
اسألك بأسماك يارباً معين=
لا تحده فوق خلق ٍ صاغرين=
كون له عونه ولا غيرك أحد=
..................................=
وبالختم أقول بإسمك يا إله=
ياكريماً ما يخيب من رجاه=
والشكر والحمد لله في عطاه=
ربي المعبود يالفرد الصمد=
التميز
الإهداءات
الحفيد اللي غلاه أغلى غلا(فهد حفظه الله)
رد: الحفيد اللي غلاه أغلى غلا(فهد حفظه الله)
