أسعدكم الله دنيا وأخرة
اليكم ما خطر بالبال
عله يروق لكم
ليا صار عينك مثل عين الجراده=نظرك قاصر ما تعدى لخشمك
حتى لو إنك طامعٍ(ن)بالقياده=ليتك على ما قيل في شيل همك
الفكر يبغاله فهيم وركاده=والجهل لو غرك ينشف لدمك
والنار تشعل ثم جمر ورماده=حلل كلامي واحفظه حسب فهمك
ياللي تمنى بالزمان الرياده=المجد ماهو كلمةٍ(ن)قال فمك
مير المقرد حظهم بالقراده=ومن باع عمه هين يبيع عمك
واللي تربى في كنوف البلاده=لا ترتجي به خير لن زاد غمك
إحذر تدور فيه خير ورشاده=والا تقرب منه ثوبك وكمك
ما ينفعك مسند ولا هو وساده=ما أنته بلا يمه ولاهو بيمك
عده على ماقيل راعي قلاده=ماهو بكفو يبل سيفك وسهمك
راع النواقص ما يجيب الزياده=محال معقوله يوافق لحلمك
ليا صار عينك مثل عين الجراده=نظرك قاصر ما تعدى لخشمك
التميز
الإهداءات
عيــــن الجــــرادة !!!
رد: عيــــن الجــــرادة !!!
