باعوك يالبليدة
فينك يا عبد الريف
وفين اجدادنا الرجالة
بقاو غير الحمالة فالدلالة
ايبيعو المعلوم بسيالة
قتلو احمام السلام
فقفاص مغلولة
واوراق باعلامها مدلولة
ارض اجدادنا مغصوبة
فين عزة الرجال
شربتو لخمر وركبتو جرار
فاينك يا موسى يا نبي
وزمان الثور الدهبي
جرار ركباتو دمدومة فالحومة
جرار عبدوه رجال ولاد حلومة
وحمام السلام قتلوه بغمة
اه من زمان الويل احنا فيه
واش من حال اعجبك
شربو الخمر وقتلو حمام السلام
ديوبا ونعجات ملغومة
ارى ماتبيع وتشري فالدمة
نفضلو نموتو ولا نبيعو لرقاب
ولا درتي راصك مع لحمام
انقبوك صحاب الجرار بعواصر مسمومة
شربو العوصر والخمر الغالي
راه ايجي يوم تبقى فالتالي
وتكول انا شاكي اش اجرالي
رجال بريوصها مبيوعة فدلالة
وغدا تولي عبد من عبيد الصح
التاريخ اليوم شهد عليك
وثور موسى الدهبي يعنيك
تباعو رجال في الريف
تشمو لبصل الباكي
وتاكلو الحريف فالصيف
وتقولو عن عزة الرجال
لا تبيع اولادها ولا يغرها المال
فاينك يا موسى يا نبي
هدا زمان الثور الذهبي
الخليل المغربي
التميز
الإهداءات
باعوك يالبليدة...... .......؟
