السلام عليكم ورحمة الله وبركاته
أضع بين أيديكم مقتطفات شعري أتمنى أن تنال أعجابكم..
يابنت فـــارس مايغــره جمـالك
ــــــــــ وكثر الحلى والـزين ماهو بهمه
ماذل نفسه لجل يرضي دلالك
ــــــــــ وكرامتـه يازيـن تـمـشـي بـدمه
واجد لمح غيرك وواجد أشكالك
ــــــــــ وبالمـختـصر مافيه مثلك يخمه ...
وين الرفيق اللـي يصون الصـداقه
ـــــــ وياقف بـجـنبـك لاحوتـك المصايـب
لاضـاق صدرك وأشـتعـل باحتـراقه
ـــــــ يزيـل غـمـك والــجـروح الـعـطـايـب ...
ماشفـــت مثـلـك لابلندن وبـيـروت
ــــــ أقــولهـا صــادق وقــولـي أمانــه
في مشيتـك رقه وبـعيونك الموت
ــــــ وبنـظـرتـك فـارس تـلخـبـط كيانه
وشفايفك حمراء مثل حمرة التوت
ــــــ تفرض على المخلوق يقعد مكانه ...
مثل الجبل صامل وماهزني ريح
ـــــ لاتظن في بعادك قاتلني الشوق
ياصاحبي ماملت واقف وماأطيح
ـــــ وأبـشـرك مــرتاح مانيب مخنوق
لاتحسب أني بعد أنوح وأصيح
ـــــ أبكي لربي ماهو أبكي لمخلوق ....
قـد قلـت لك ناسيـك لاكن كذاب
ـــــــ مغير أكابر يوم أزيـد بصدودي
ولا الحقيقه خاطـري منك ماطاب
ـــــــ طيفك يلاحقني وانا في سجودي
ياصاحبي يكـفـي مشاريه وعتاب
ــــــ لايزعـجـك بي الـسكوت وبرودي ....
وقـتي قاسي وأنت أقسى من الوقت
ــــــ مدري أجــازي الــوقـت ولأ أجازيـك
للـحـيـن تـرى مـصـدوم منك و مافقت
ـــــ وللحـيـن مـانــي عارف شلون أهنيك....
عشت في حياتي بين هم وكئابه
ـــــــــ كلـه عــشان الحب وخاطر عيونك
وانت جـرحت القلب وزدت التهابه
ـــــــــ يارب جروحــي اللـي منك يجونك ....
وسلامتكم
بقلمي.فارس بن سعيد الغامدي
التميز
الإهداءات
مقتطفات شعري
