كل ما أمسيت عاودني عليك الحنين !!!

أحبتي في الله اهديكم ما جادت به الساعة

يا هوى البال يا حلمٍ(ن)مضى له سنين=والله انك بقلبي مثل نبض الحياه
مستحل الوريد ومستحل البطين=مير قلبي ببعدك ما اهتنا من هواه
كل ما أمسيت عاودني عليك الحنين=والبشر كل حيٍ(ن)مهتني في مساه
وين ذيك الليال السابقة وأنت وين=ما بقي غير طيفك خافقي ما نساه
كل ما مرني لجيت صوت الونين=والعرب ما تعرف بخاطري وش بلاه
ما دروا عن غرامٍ(ن)شايله ما يبين=ما درى به قريب ولا درى به عداه
خلف عوجٍ(ن)تثنت فوق كنز ثمين=حبي اللي كنزته بالحشا من غلاه
ما درت به عقول ولا تنوشه يدين=نادرٍ(ن)بالزمان ونادرٍ(ن)في حلاه
مكتمل بالمحاسن فيه قسوة ولين=منه تنزف جروح الشوق وأسرع دواه
لا تبسم وناظر صوب ذاتي بعين=ينمسح كل هم وكل جرحٍ(ن)براه
كمله بالمحاسن خالق الثقلين=الحسن فيه كله مأخذٍ(ن)منهاه
كان واقع زمان وصار حلمٍ(ن)دفين=يا عسى كل حلم وكل واقع فداه
ذا حبيبي وروحي لين نفنا ولين=ننبعث من مراقد موتنا يا عساه
يهتني في حياته بدنيا ودين=ما يذوق المواجع وطعم الشقاه
منية الروح مدري روح مدري خدين=مبتدا عشقي الأول وتالي هناه
كل مافيه حلو وكل مافيه زين=منتهى حسنه الطاغي مثل مبتداه
يا هوى البال يا حلمٍ(ن)مضى له سنين=والله انك بقلبي مثل نبض الحياه

ممتاز


صح لسانك ابدعت كعادتك

احسنت

قصيدة تستحق الاشادة

صح بوحك واحساسك العذب ايها الرايع

صح لسانك دائما مميز


تقبل التحية

صح لساااااانك ولا هنت شاعرنا المبدع اتحفتنا بمعزوفتك

صح لسانك ولا هنت ابدعت كعادتك

بدعت صح لسانك


تقبل تواجدي

صح لسانك ولا هان راسك


احترامي

صح لسانك ولا هنت ابدعت شاعرنا


تقبل اعجابي والاحترام