السلام عليكم ورحمة الله وبركاته
للتواصل اليكم الأبيات
دقيت باب الشعر وإنفك بابه=وسجيت خيل الفكر في كل مضمار
واللي سواتي بالعرب ينغزى به=في كل علمٍ كيف ببحور الأشعار
ماهمني بحره بغوص بغبابه=اليا نطحت الموج ياحي بحار
ماني من اللي يرتعب من عبابه=ولاني من اللي يرتعد عند الإبحار
فيني على كل المواقف صلابه=مثل الجبال الراسية وجه الإعصار
ولي عى وجه الليالي مهابه=ولي على التاريخ سجات وأذكار
الشعر أنا مالكه حافظ كتابه=عارف طواريقه طويلات وقصار
أخذ جزيله بعد محسب حسابه=واترك رخيصه سلعه لكل سمسار
أبنيه من حسي وفكري ثيابه=من شأن يبقا بعدنا طول الأعمار
ما قلت شعري لأجل ينقال ثابه=ولاني من اللي يحرق العقل بالنار
أرقى شموخ العز محدٍ(ن)رقى به=وأبقى على القمه ولو صار ما صار
وليا إستوى قافي وهلل سحابه=يسقي عقول ما بها حس وأفكار
يروي قلوب ويكوي كبود لابه=ييبس غصون وتطلع غصون وأزهار
هذا قصيدي ما خضع للرقابه=امحشمٍ(ن)عن كل ناقد وثرثار
التميز
الإهداءات
دقيت باب الشعر !!!
رد: دقيت باب الشعر !!!
