أبيات لعلها تروق لكم
الليلة السهرة لها الصبح ميعاد=
ما كني إلا مشتقي من طلابه=
طول السهر للعين يدمي ليا زاد=
وأصعب منه عقل ٍ مضيع صوابه=
جريت قاف الشعر راوي وقصاد=
من شأن أخفف هم قلبي غدى به=
أسلي الخاطر بهوجاس الإنشاد=
والقلب فيه من الخواطر حرابه=
ذكرت وقت ٍ فات ياليت ينعاد=
واللي نوده ما يطول غيابه=
يا ثقل ليل يمر في هم وسهاد=
لا صرت وحداني وفينك صبابه=
لا صار من ترجيه من دونه بلاد=
تمسي عشا لهموم مثل الذيابه=
تغدي سواة اللي يعاني من لهاد=
من كثر هوجاسك تصاب بكآبه=
ياليل وين الصبح بالنور ماجاد=
عل وعسى يطلع لنوره مهابه=
ترتاح عيني من سهر ليل لا عاد=
فيه الهواجس مثل عزف الربابه=
مابين ليت وكان ليل السهر كاد=
كاد العيون وكاد حلم ٍ سرى به=
تعب من طول الصبر مير مافاد=
جمر السهر لو طب في صخر أذابه=
الليلة السهرة لها الصبح ميعاد=
ما كني إلا مشتقي من طلابه=
التميز
الإهداءات
يا ثقل ليل يمر في هم وسهاد !!!
رد: يا ثقل ليل يمر في هم وسهاد !!!
