كل مطرود ملحوق

ياحلو يامزيون ياهيه يا ذوق= يانادر(ن) سيرتك حلوه وعطره
قدرك على العين وعلى الراس من فوق= لجلك كتبت الشعر واتقنت سطره
حبك سطى بالقلب يا اعز مخلوق= اجتاحني مثل اتسونامي صمطره
انت الامل لا صابح لشمسك شروق= يامن شذا انفاسه كما انواع عطره
عانيت هجر(ن) منك ماهو بمسبوق = هو ضرف والا مثل ماقيل بطره
اجرح وزيد وكل مطرود ملحوق = جميع مايخطر على بالك اطره
الا فراق(ن) يجعل القلب مفتوق = تكفا ترا روحي من الهجر خطره
احرقني بكيفك على شعلة الشوق = ثم اطفني من غيث وصلك وقطره
خل الوصال يحن له رعد وبروق = لا جاء على قطري وانا جيت قطره
ثم ساقته نود الوله يمنا سوق = عساني احضى لو بثلثين شطره
يقطع ضما((ن) نشف معاليق وعروق = واحدث بكبد العاشق الفين فطره
واصل عسى ربي يجيرك من العوق = قبل يزيد العمر ويفوت قطره

واصل عسى ربي يجيرك من العوق نعم هذا هو الشعر الحقيقي الصادر عن عاطفه جياشه لقد اشبعتنا وامتعتنا شعرا لله درك على هذه الدره الرائعه

تقبل اعجابي بكل ماتخطه يمينك بكل صدق

مشكوووووور والله يعطيك الف عافيه شهاده افتخر فيها واضعها وسام على صدري

اجبرتني على الدخول يا عثمان لتدوين اعابي بهذه الشامخة لله درك يا الذيب


تقبل مروري وردي


ولك وافر التقدير والاجلال

مشكوووووور والله يعطيك الف عافيه يافواز شرفتني بمرورك واثلجت صدري بثنائك على قصيدتي لك الشكر وفائق الاحترام

صح لسانك


قصيدة تستحق الاشادة لله درك

صح لسانك واعتلا شانك



قصيدة راقية مكلفة

الله الله


قصيدة روعة بالسبكل والحبك صح لسانك

صح لسانك وبيض الله وجهك تقبل مروري والاعجاب

يا سلام


الشاعر عثمان الثبيتي


صح لسانك للرضا


تقبل التحية