الشمس ما تنحجب في سد غربالي !!!

أسعدكم الله

الأبيات

يا عبيد سوق الركاب وهاتها قومي=وارفق بها لا تكدر خاطرٍ(ن)غالي
ترى غلاها يعادل كل بني قومي=ماهي رخيصة غلاها يعدل لحالي
تنظم بيوت القصيد القاف مفهومي=جاني قبل لا تجيني مقصده حالي
وأنا ترى ما طراني شين من يومي=أحب جزل القصايد ليل يا لالي
لكن قافٍ(ن)لقيته طير لنومي=زود بقلبي على الغربال غربالي
نهضت وأنا عن الزلات محشومي=برد من هاجسي جزلات وأمثالي
يا ناظم الشعر زيد عزومك اعزومي=ترى المسافة طويلة والجمر صالي
لا تنطح الحرب غير بخيل وسهومي=الحرب ماهي بلعب يسلي أطفالي
الحرب يبغالها فرسان وقرومي=واللي يريد السلامة يقعد التالي
يرتاح والناس فيهم شيخ ورخومي=والشمس ما تنحجب في سد غربالي
واللي يريد المزاين فوقها يومي=البخل والذل ذئب لكل رجالي
المرجلة ما تجي بمطارد حلومي=يا عبيد يبغالها وقفات وأفعالي
لكن تجهز وهات اللي عسى دومي=الخير يبرى لها مقفا ومقبالي
ببذل لها الجهد كود لشيء معدومي=يرخص على شأنها ما عز من مالي
يا عبيد يا علني ماني بمحرومي=الله عطاني من الدنيا ولا أبالي
أعز نفسي وأعين لشخص مضيومي=لا من نخاني عطيت جنيه وريالي
ما والله أبخل لو إنه يطلب هدومي=الفعل يا عبيد يسبق كل الأقوالي
ياربي إني طلبتك تقبل لصومي=والعفو كان إنجرح يارب يا والي
لكن ياعبيد قوم وهاتها قومي=وارفق بها لا تكدر خاطرٍ(ن)غالي

اول مصافح للابداع


صح لسااااااااااااااانك

صح لسانك واعتلا شانك


ابداع يتجدد

صح لسانك شاعرنا المبدع ربي يسعدك

الله الله


ابداع معهود

صح لساااااااااااانك

صح لسانك وسلم بنانك


ابدعت

صح لسانك واعتلا شانك ابدعت لا هنت


تقبل التحية

تسلم الايادي وصح لسااااااااااانك

صح لسانك للرضا


ابداع لا يستغرب من شاعر مثلك

صح لسانك شاعر الابداع واستاذ الشعر