أسعدكم الله
وجت أبيات للشاعر عبدالرحمن المسعودي
بعنوان:سلم الرجال تقدر الجار والضيف
حبيت أجاريها وليس رد عليها كتبتها كيبوردية اللي يلاحظ خطأ يعلمني وأنا له من الشاكرين
اليكم تخاريفي علها تروق لكم
نِعم الرجال اللي تمد المعاريف=والطيب في بعض المناعير عاده
والذيب يرقا فوق روس المشاريف=ما تصير عينه مثل عين الجراده
واللي يعاين بالزمان الملاقيف=حرام مايلزم زمام القياده
ومن لا يعرف الكيف ما يشرب الكيف=ومن لا يكيد الخصم يلبس قلاده
الفكر مثل البيع يحتاج تصريف=قال المثل:والنار تخر رماده
والشعر مثل الخيل يحتاج تعسيف=ولا كل خيالٍ(ن)يجود جواده
يابادع القيفان جزل المحاريف=تحتاج شاعر فيه راجح رشاده
والبحر ما ينقصه نسف المغاريف=والمجد ما يبلغه عاشق وساده
والبرد ما نخبره يقدم على الصيف=والحرب ما يشعله طافي زناده
لكن بعض الناس فيهم تخاريف=فيهم تعجل ما تحب الهواده
وإن جيت تنصحهم يجيهم عواصيف=معهم على قول الموصف قراده
مثل الهبوب اللي ثير السفاسيف=ما تثني اللي فيه صبر وجلاده
ياسيل ياللي تجرف الرمل تجريف=يحداك شامخ ماأنت قادر حياده
خلك على مجراك من غير تحريف=وإقتش قشع النبت وإلا خماده
الذيب يخطف بالحلال المطاريف=ولا ينهدم بيتٍ(ن)جويده وتاده
نِعم الرجال اللي تمد المعاريف=والطيب في بعض المناعير عاده
التميز
الإهداءات
نِعم الرجال اللي تمد المعاريف !!!
رد: نِعم الرجال اللي تمد المعاريف !!!
