عمرها فوق ستين !!!

أسعدكم الله جميعا بكل وقت ومكان

الليلة نويت أستفز لي شاعر متكتم على إبداعاته

وأنا أدري سلفا بأن رده بيكون ممتع وهذا ما أريده

السالفة ببساطة ملينا من وصف الحسنوات الشبات ونسينا الأمهات وهن المصدر

الأساسي ومن لا له ساس ما له راس

علمابأن القافية تسمح بكلمات تحاشيت ادراجها ولا استبعد أن غيري بيذكرها

عموما: المجال مفتوح ومسموح لكل من يحب يدون دعابات شعرية من هذا النوع

ياسعيد ليتك شفت ماشفت بالأمس=ما أصدقه لو لاي شاهدت بالعين
ذاك البياض اللي غلب شارق الشمس=وهي عجوزٍ(ن)عمرها فوق ستين
مع شايب الرحمن قدام بالجمس=ماهو سعودي شكله من المقيمين
ولاهو خليجي ربعنا كلهم قعس=فيهم شهامة مير ماهم بحلوين
عليه دم الروس ويشابه الفرس=مدري هجينٍ(ن)جامعٍ(ن)دم الاثنين
لكن كله منغمس بالحٌسن غمس=ماهو مهم نحدد الجنس من وين
اللي يهم أخذت لي بالنظر درس=أثر الجمال الزين باللي قديمين
ياليتها ترجع بحر عشر مع خمس=وأعود أنا بالعمر حول عشرين
الخد لو تلمسه يدمى من اللمس=وشلون عاد أيامها قبل خمسين
أيام كانت يجرح يدينها اللبس =والرسم باقي ما تغير من سنين
لو شفتها ياسعيد لتذكي الفطس=وتندم على ما فات من حظك الشين
الزين هذا وين ياسعيد مندس=ماشفته إلا بعد قارب لسبعين
ما مثلها ياسعيد شاهدت بالإنس=سبحان من كمله ياسعيد بالزين

يا مساء الشعر والمشاعر

صح لسانك

يعطيك العافية على النص المميز

ابدعت ولا يستغرب الإبداع من اهله







لك شكري وتقديري

الله يعطيك الف عافيه على هذا النظم

والوصف الراقي والجميل

صح لسانك وبيض الله وجهك

لك التحيه والتقدير

صح لسانك ليا كان بهذا العمر ومثل ما تقول


ابرك اكثر الناس ما شافوها والا كان طلقوا حريمهم

صح لسانك مليون ولا يكفون



توصيف فوق الخيال

السلام عليكم ورحمة الله وبركاته

مريت على هذه الدعابه الجميلة من استاذ الشعر ابن هليل

فاعجبتني وقررت الرد عليه بدعابه قد تحمل من القصور الشئ الكثير فارجو العذر والسموحة

والغرض الدعابة والمشاركة فلا تؤخذنا شاعرنا ابن هليل

بياضها يا صاحبي يشبه الشمس=الشمس تبقى شمس لو مرت سنين
تلك التي ابصرتها تعرف الهمس=عجوز بالخبرة تعرف المحبين
صادتك في نظراتها ليلة الامس=الله على نظرات اودتك لا وين
في حب انثى ما لها فى الهوى حس=نية برئية وانت لك نيةن شين
تناظرك واحيان تظهر وتندس=ما هو هوى؟ هذا حيا ناس راقين
وانته تحسب ان الهوى فيك نسنس=مسكين من يوقع بحب المسنين
واكبر مصيبة يوم حظك معك نحس=حبيت لك ناسا ولاهم بدارين
العرث بكرة لو سألته متى العرس=الثاء تبدلها بدل نطقها السين
يا زين حظك يوم تطلع وتلبس=وتقول وش رأيك بذوق المثنين
وتذكر صباها وانت جالس فتنعس=النوم يغلبها وذا حظك الزين
لو طولت ما عاد تلقى به نخس= وتتحمل انته ذنبها وانت مسكين
معذور ياللي في هوى الغيد هوجس=الحب له ناسه وناسه مجانين

صح لسانك راح فيها سعيد وغير سعيد بعد هالوصف السعيد اللي عنده مثلها

مالها بنت


هههههههههههههههههه

صح لسانك شاعر مافيك حيلة وشكلك ناوي تورط لك ناس بهالقصيدة

صح لسانك




توصيف يفوق الخيال ما عمرنا سمعنا بوحدة فب هذا السن وتكون بهذا الجمال

صحيت وصح لسانك مبدع قصيدة اكيد لها مغزى غير ما هو ظاهر