أسعدكم الله
الأبيات
...
البارحة برق الحيا مشعل الليل=استبشرت بالخير جدب المشاعر
يالله بسقيا رحمةٍ(ن)ريض السيل=من صادق ن مافيه هدم ومخاطر
يسقي عروق القلب ويزيح للويل=تبتل ريق ن ناشفة بالحناجر
تروى عروقٍ(ن)للظوامي مداهيل=خلف الضلوع اللي بها الجور جاير
من مبسمك يابو رموشٍ(ن)مظاليل=اللي سواة الجمر وسط المجامر
العين حورى والمحاجر مكاحيل=فاتن بحسنك بالخراعيب نادر
ياحلوها معك ليال التعاليل=تهنا بها نفسي ويرتاح خاطر
تنسي لقلبي ما مضى من غرابيل=بايام فاتت وانت بالحال خابر
عندك خبر تدري بكل التفاصيل=الحال ما يخفاك ماضي وحاضر
كم قلت لك ياويل ياويل ياويل=ياويل حالي منك والبعد كافر
البعد سوى في خفوقي بهاذيل=ماني على هذا التباعد بقادر
الى متى بحط بالهم واشيل=والى متى بكون شايل وصابر
الشوق ما تطفيه كثر المراسيل=ما يبهج المشتاق غير النواظر
لا شاف خله وتركوه العواذيل=يحلى زمانه في ليال التسامر
يشرب من كفوف الوليف الفناجيل=تنسيه ماهو كان في وقت غابر
يوم التباعد وإنقطاع المواصيل=لا عادك الله يا زمان المحاذر
والله يطيب لليال المقابيل=يهنا بها جابر ومعشوق جـابر
يمطر سحاب الوصل دايم هماليل=كل ما تقافى ماطرٍ(ن)هل ماطر
كل ليلةٍ(ن)برق الحيا يشعل الليل=مستبشرة بالخير جدب المشاعر
التميز
الإهداءات
برق الحيا مشعل الليل !!!
رد: برق الحيا مشعل الليل !!!
