الأبيات
...
وا قلبي اللي طعن الأيام طاله=ما تنومن بالغدر سود الليالي
تغدر ولو غرت زمن بإعتداله=في لحظةٍ(ن)تبعد لحالٍ(ن)بحالي
روعتني يا مرسلٍ(ن)للرساله=بغا يطيح القلب فوق الزوالي
أخذت لي بالحزن يومٍ(ن)ولاله=مقدر أصيح ولقدر أقول مالي
القلب صابه صدمةٍ(ن)وإعتلاله=والعين تمطر دمع مثل الخيالي
عليك يا رمز الطهر والجماله=ما جاك ليته فيً يا بعد حـالي
يا متصف بالطيب راع الأصاله=من كل حالي فيك مليون حالي
فيك الأدب والذوق فيك الشكاله=فيك التقى فيك النقا والجمالي
حالي بعدك اليوم بأخس حاله=يا رجوتي بأول زماني وتالي
عورتني باللي حصل لك وباله=ما كان يخطر لك ولا لي ببالي
إنشل فكري ما قدرت إنتشاله=كلي من اللي صار صعب إنتشالي
كل البصاير بالمصيبة محاله=مالي أمل إلا رفيع الجلالي
يسرع بلطفه متصف بالجلاله=ما يعجزه معجز ولا أمرٍ(ن)محالي
أنقذ ليونس بعد ما الحوت شاله=وأمسى ببطنه في ظلامٍ(ن)مهالي
أيوب من سقمٍ(ن)يقطع وصاله=شافاه في غسلٍ(ن)مبرد زلالي
طالبك يا معطي لعبدٍ(ن)شكاله=يالله يا مرسي ثقال الجبالي
تشفي لي اللي ضر الأسقام جاله=وأجر وعوافي منك يا خير والي
أنت الكريم اللي تجود بجزاله=تعطي بلا منٍ(ن)وهايب جزالي
عجل لقلبي بالشفاء سقم طاله=يارب تبعد غدر سود الليالي
التميز
الإهداءات
روعتني يا مرسل للرسالة !!!
رد: روعتني يا مرسل للرسالة !!!
