غرقان في حبك !!!

أسعدكم الله


أبيات كيبوردية أهديها لكم علها تروق لو لبعضكم

يازين ياللي نادراتٍ(ن)حلاياك=نهبت قلبي يالغزال الفروعي
قلبي فداك وكل ما تطلبه جاك=هديةٍ(ن)ما تنعرض للبيوعي
يا عل كل البيض يا زين تفداك=يا قاهرٍ(ن)بالحُسن كل الجموعي
البرق لا منه لمع في شفاياك=أرعد خفوقٍ(ن)تحت حدب الضلوعي
من شدة الهزة غدى فيني إرباك=ما عاد أميز مقدمي من رجوعي
دنيا الهوى خسار من غير دنياك=هواك صار جناح قلبٍ(ن)يزوعي
يكفخ بصدري شفه بيوم لقياك=قدام لا عيني تهل الدموعي
لو كان ساعة بالعمر لا عدمناك=ساعة زمن من سبت وإلا ربوعي
يهنا بقربك ويتروى من رضاك=وأشعل كفوفي من غلاتك شموعي
تسعين عامٍ(ن)معك بحساب الأفلاك=ما كنها إلا يوم وإلا سبوعي
تأمر وتنهى فوق منهو تمناك=تأخذ وتعطي من جميل الطبوعي
أهواك ثم أهواك وأهواك وأهواك=غرقان في حبك وصعبٍ(ن)طلوعي
ما طاب لي غيرك ولا أريد لسواك=لو كان كله زين كبدي يلوعي
علمي وصلك ولا هقيت يتعداك=شرع الهوى يغلب جميع الشروعي
يازين ياللي نادراتٍ(ن)حلاياك=نهبت قلبي يالغزال الفروعي

الله الله


صح لسانك مليون ولا يسدون


ابداع غير مستغرب

الله عليك


ابداع


صح لسانك

صح لسااانك لاهنت ياعشيق البنت

صح لسانك دائما مميز



تقبل التحية

صح لساااااانك


قمه في الابداع


يعطيك العافيه

صح لسانك وسلم بنانك وفيت وكفيت لا هنت

الله الله صح لسانك ابدعت فيما نظمت

ابداع لا هنت صح لسانك خالص الاحترام

يهنا بقربك ويتروى من رضاك
وأشعل كفوفي من غلاتك شموعي

تسعين عامٍ(ن)معك بحساب الأفلاك
ما كنها إلا يوم وإلا سبوعي


روووعة صح لسانك وحلو بيانك تسلم ع القصيدة الرائعة