السلام عليكم ورحمة الله وبركاته
اليكم هذه الأبيات علها تروق لكم
باركولي يا عرب =الفرح هذا المساء
ودي أغني طرب=جاتنا ست النساء
نورها يوم إقترب=صك نور الكهرباء
فاتنة تهوى اللعب=طايشة بس بذكاء
لمست الفيش وضرب=راح بالصالة هباء
ما تحملها وشب=نار عاقبها إنطفاء
ذاب قلبه وإلتهب=ما نفع فيه الدواء
سحرها بين الهدب=بالأناقه والكساء
عطرها حين إنسكب=وقف أمواج الهواء
الهوا عيا يهب=يوم شاف الكبرياء
كل مافيها عجب=شامخة مثل السماء
ذايبه مثل الرطب=مشرقه مثل الضياء
حالية مثل العنب=جامعة حسن ودهاء
حارقه مثل اللهب=بس كاسيها حياء
لونها ثلج القطب=وحرها خط إستواء
رحمة فيها غضب=وقتها قحط ورخاء
خلت ضلوعي حطب=علني الها فداء
بعد عقلي إنسلب=مالنا غير الرجاء
يا منى قلبي طلب=جاك قلبي في سخاء
لا تسالي والسبب=عاشق ومعلن ولاء
عاد قلبك ويش حب=الرضا والا الجفاء
راضي(ن)باللي إنكتب= بالشقا والا هناء
التميز
الإهداءات
شامخة مثل السماء !!!!
رد: شامخة مثل السماء !!!!
