شعر ومشاعر
ليت اليالي تجيبك عندنا ياشفوق=
نروي كبود العطش عل وعساها تطيب=
يالمزنة اللي شعاني لونها والبروق=
تلوح في خدك الناصع كلون الحليب=
كل ما طريتي ببالي فاح دم العروق=
ياليت جسمك مثل طيفك لعيني قريب=
ليتك تزورين من مغرب لوقت الشروق=
واحلى الزيارات بالدنيا حبيب لحبيب=
يابسمة العمر ياكذبة بعشق ٍ(ن)صدوق=
ياجنة الحلم في هذا الغرام الرهيب=
مدري مجرد حلم عقب لجوفي حروق=
ياجمرة الشوق مدري يارشتة طبيب=
دنياي هذي بدونك غصة ٍ(ن)بالحلوق=
وشلون بهنا ووصلك في زماني صعيب=
ياملهمة للقصائد في جميع الطروق=
ياشمعة العمر في هذا الزمان المعيب=
القلب مشغول والتفكير عيا يروق=
ماكني إلا على رمضا وفوقي لهيب=
أمني العمر بالمقبل وعمري سبوق=
يابسمة الحلم في هذا الكمال المهيب=
ياراقية ياجميلة يا ذكية يا ذوق=
ياجامعة للعجيب وكل ذاتك عجيب=
أنت وبس التي بالحسن والذوق فوق=
وأحلى مزايك طوعتي لقلب اللبيب=
جبتي لراسي وانا من روس برقا وروق=
صخرت لك هاجسي لين القصائد تشيب=
وليت اليالي تجيبك عندنا ياشفوق=
نروي كبود العطش عل وعساها تطيب=
التميز
الإهداءات
ياجمرة الشوق مدري يارشتة طبيب !!!
رد: ياجمرة الشوق مدري يارشتة طبيب !!!
