قالت تجمــل قلت بيش أتجمــل=وقت الجمـــائل راح ولـى زمانــه
وأنـا لمثلك ياالغضــي ما أتحمــل=فرس بلا خيّــال يصهـل مكانـه
لو جئتني ســاعة شبابي يهول=عطيتك المطلـوب بذمـة وأمانه
واللي تعود للعطاء يكره البخــل=لكــن ويــن أيــامنا يـا فـــلانـه
واليوم جــاي تقول أطلع وحـول=ضـاع الجَهـد واقفا زمان الرعانه
قالــت يكفيني قليــلك تفضـــل=حبــك يكفيني ولهفــة حنــانه
الك علي أرجعك مثـلك أول=وأزود شوي إن كان تبا حصــانة
قلت أنت تحلــم بـس وإلا تخيــل=ولـى زماني راح واقفــا لشــأنه
ذاك الغـرام اللي من أول تحـول=ناظر بوجهي فيه تلقى بيــانه
صفحة من الأيـام وسنين وأطـول=جربت فيها كل حلــو ومهانـة
من أول يوم إني أقـول وأفعـــل=أطعن برمــحٍ داميات طعــانه
واليوم أنـا عـذرت وأنت توســل=فات الشباب وحان وقت الرزانة
القلب من طول العنا كل ثم مل=مليت من زود الغباء والفطـانة
حبل الهوى لـو شـد لا بد ينحـل=والفارس ليا تعب يريح حصـانه
وإن كان ما ريحـه حتـم يتعطــل=ما ينفعه سيفه وحربة سنـــانه
الرمـح ما يطـعن ليا فارسـه ذل=والسيف يصدأ لو ما له صيانة
حقيقـــة مـا ودي الـزين يزعـــل=ولا ودي أشوف الحزن في عيـانه
لكن حكم الوقت مدري من القل=والــوقت غــدار وفيه الخيــانة
عساك يا اللي تلومني عجل تنعـــل=تنصاب مثلي بالكِبر مع هوانه
السن ما ينفع معه طب أو حــل=صارت مثل الحلو حلوه أوانــه
هذي توا صيف خلاء خلهـا خـل=من شاعر يتبع هجوسه لسـانه
طال الزمان وطل مع فكرته طل=وأطلق لها الأحلام وأرخـا عنانه
التميز
الإهداءات
قالت تجمــل....؟؟؟؟
