يا مــا شكيت من العشـق للمـواليـف=احــــن وارزم والضلـوع برجفهـــا
ويــا مـا رجيت وقلـت ولهـان وأهيـف =اقرع مثل شـنٍ السمـوم تحـذفهـا
محروق من شوقه مثل حرقة الصيـف=مثل الورق عصف الرياح يعصفهـا
ترمـي بي الأربـاح سيف بعـد سيـف= معــرف قـراري وين حتى نحرفهـا
أسـج روحي لأجـل خلي مـع الطيـف= والمــح خيالـه بالهجـوس وخرفهـا
أشـــوف رســمه بالمــزون المــراد يف=والبـرق لمعــة وجنتـه اختطفهــا
هــذايك منها علتي والصــــــواديـف=جابتــه والخفــاق مني التقفهــا
والمشكــلــه ماهـو بجاي على الكيـف=يسجنـي والــروح باقـي لهفـهــا
ومن زود حبي كتـف الفكـر تكتيـف=ما عاد أعَرف ثلومها من رهفهـا
حرقة هواها نشـف العــود تنشيـف=أيبس عروق القلب مدري قطفها
وليا رجيتــه قال وش ذا التخــاريف=و أنـا شـفوق و اتحاشــا صلفهـــا
يا حيف بعد الـود يا حيـف يا حيـف=تنسى وعود واضحات نعرفهــــا
نسـيت لحظـات الفـرح والغطــاريف=يوم أنت تحلف بالعيون وشرفها
نسيت وقفاتـي وطيـب المعـاريـــف=ذيك السنين اليابسات وعجفهــا
في لحظــة جرّفت الأحــــلام تجـريف= ضيعتها وأضعتني في طرفهـــا
لا هـو بعيـد وينســي والتحــاسيف=لو طولت عــوج الضلوع تعدفهـا
ولا هـو قريب ونقطف الورد تقطيـف=ونبـل ريــق يابسـة من حسفهـا
بين الرجـا واليـأس وكيف بعد كيف؟= ماني بعارف حلوها من قرفهــا
التميز
الإهداءات
ولهـان وأهيـف...؟؟؟
