الأبيات بدون مقدمات
![اضغط على الصورة لرؤيتها بالحجم الطبيعي](https://scontent-lhr.xx.fbcdn.net/hphotos-xfp1/v/t1.0-9/10404221_942135125838229_7947318985734368320_n.jpg?oh=d0d8515830b7ff0ec32c0af23f0cfca8&oe=55D16E8A)
....
يا أحلى جميع الناس وأغلى من الناس=غيبتك طالت شنهو العذر مدري
أرجو تكوني طيبة ما حصل بأس=يا ساكنة في خافقٍ(ن)جوف صدري
تدرين وأدري بالمشاعر والإحساس=لكن تمنيتك تدزين عــذري
عذرك يريح نبض قلبي والأنفاس=ويزيدني صبرٍ(ن)ليا قل صبري
لا من لعب بي في مغيبتك هوجاس=وإلا لعب بي خوف يرتاد فكري
خائف عليك من الليالي والأتعاس=تحنذني الأوهام حناذ جمري
وشلون اسوي لن لعب بي وسواس=وبليس مثل الدم بالنفس يجري
أضيع لا من حل في داخلي يأس=ما عاد يبقى بي غسلة بسدري
الليل أسج الفكر لو فيني نعاس=فكرة تسند بي وفكرة تحدري
الضغط يعلا وأشعر صداع بالراس=وأكلمك روحي وكني مهذري
ما عاد يسعدني من الناس جلاس=ولا عاد أميز بين مبطي وبدري
لا غبت عني ما يطيبن الأوناس=واليوم كنه عام والليل دهري
يا أحلى جميع الناس وأغلى من الناس=غيبتك طالت شنهو العذر مدري